✔ 最佳答案
1.韓國大學睇咩收生？睇唔睇dse成績？
我淨係見到好多大學話topik要四級或上...
答: 睇以前既中七成績. dse係新課程, 唔知佢地承唔承認, 睇唔睇.
topik四級係指韓文程度, 唔係學業成績.
2.如果我topik未夠五級，要讀語言學院，係話收咗我先，
讀完語言學院再直接入大學定係讀完語言堂先再申請大學？
答: topik四級只係韓文程度既一個指標. 即係你冇topik四級張成績單,
又或語言學院四級程度, 學校係唔會考慮. 都唔會有面試俾你.
又即使你有topik四級, 面試(用韓文)過唔到都冇用.
你讀緊 或者已完成語言學院四級課程都冇分別, 都要睇面試.
所以你可以讀緊四級時申請大學. 又或者唔一定要入語言學院.
只要你韓文程度夠, 加埋你面試用韓文通過就得.
3.要入到醫學系或者藥劑系，dse成績大概要點？
答: 你冇香港入大學醫學系既成績, 韓國大學係唔會考慮.
佢地韓國既競爭都好激烈架. 係韓國全國各地好多人同你爭.
4.韓國大學用咩語言教？
答: 用韓文. 醫學系同者藥劑系要英文有一定程度.
5.如果我讀完大學點先可以留喺韓國打工？
答: 有人請就得, 唔使一定大學畢業.
但大學生打工要學校批. 讀醫科係唔會批准打工既.
個人意思:
其實你去韓國留學, 要先學韓文去到四級已經唔係容易.
睇成績考入學試又唔係比香港易D.
收咗你你既話, 讀書時又要用韓文讀書做功課同考試, 冇一樣係易事.
韓國大學醫科同藥劑畢業返嚟, 香港都唔承認. 你去嚟做乜?
2013-07-12 23:45:43 補充：
延世肯定要面試.
進行綜合評價選拔合格之後才給予安排面試機會.
我朋友考延世, 都要參加面試.
在呈交申請書及其他必要之材料後, 等待校方審核後再通知面試日期.
