重讀DSE, 全日制學校?

1. 如果你以原校重讀中六的確要做返SBA、IES，基上都佔你考試總分15-20%，真係唔建議。至於你話私校方面，你諗得太過完美了，任何一間學校都會有唔讀書既人，私校分分鐘可能都多，按上年度黎睇，以自修或讀夜校既人都多左，徒校相對可能更少，咁都唔代表私校一定係讀書既人，有部分只係因為屋企人既關係而重讀私校，你讀書就唔應該去理其他人讀書與否，不然每一間學校都差唔多。至於全日制日校其實可能對你影響不大，我係指讀書方面，你每日都芯上8個鐘去上堂，加上有功課，你真正可以溫到書既時間好少，如果你加埋補習的話，你可以溫既野真係唔多，個人建議就係去夜校，講真你讀夜校，上堂時間雖然少，但至少你可以問野，而日抖你可以安排補習時間，或自己操PAST PAPER，咁你溫習時間多左，可能對你會好一D。

2. 如果你考過DSE(冇缺席過)，你可以報讀夜校並以自修生名義去報考，咁就唔需要做SBA、IES。觀塘區既「路德會觀塘書院」就係夜校黎既，但係上年開唔成，睇怕今年都係，因為年年都少人，有部分人因此而轉去其他路德會既學校，個人建議去沙田果間，起碼我覺得D老師係好好多。

3. 未讀過，幫唔到你。

4. 路德會夜中學今年學費就全年9800蚊，分7個月繳。

5. 透過IVE或ASSO升大學的比例基本上年年都差唔多，入大學率一定低過由DSE上大學，都係5%左右，如果你係HD能夠取得DISTINCTION，你就有可能升讀本地大學，當然睇你想讀咩科，部分科目收分都比較高。你入到HD當然照讀HD，DSE考過一次，三大係唔會考慮你，其他U都仲可以，但當你考多過一次，就算你考到個成績都可能被打折頭，唔好睇回頭路，HD或者會較容易上到大學。