f.3選科結果出路

1. 我修讀個d都係要背，會唔會好難讀上去?
中史 歷史 地理都有好多野要背，但無論係邊一科，都要好透徹的理解。你個記性好係優勢，但讀出來未必會高分。有時候，理解後，便可少些背誦的成份。現分析這三科的性質：

中國歷史：
由周代分封開始讀到中華人民共和國的外交。中史當然要背誦大量資料，但歷史資料題和論述題都比中一至中三的課程深。而且，中一至中三只要求很少的分析，但中四後要開始高階思維同評論觀點。所以你要識得多些有關批判性思維同多角度思維的方法，以建構自己的史學觀點。你寫字要寫得好快，而且溫書要溫得好熟，把相關的史實運用在考試題目中。有些題目要求你比較朝代的異同，或跨單元設題。所以你唔可以死背，溫書時都要做好呢Ｄ比較。中史有Ｄ題目要求你把歷史知識運用在其他朝代，甚至日常生活中。例如佢問你如把此政策運用在香港政府會如何。咁樣你要識得變通應用。呢個科都係好難讀，所以你要更為知道佢的答題技巧。另外，寫字要寫得好快，如果唔係會使唔晒炒左。新高中中國歷史課程分為必修和選修兩部分。學生通過必修部分的學習，認識中國歷史發展的脈絡，鞏固「時間、延續與轉變」的觀念。選修部分提供六個歷史專題，讓學生按興趣與志向選修，擴闊學生對中國歷史的視野。


歷史：
呢科都算易，因為題目形式冇中史咁深。呢科都好要求背誦。考核模式係Data-based 同Essays。內容主要係講香港、中國、日本、東南亞、一戰、二戰、其他主要衝突、冷戰同埋戰後的和平同合作。呢一科特別重視睇多D cartoon。問你cartoonist view同attitude。你要睇得明漫畫同文字史料的內容。同時間，你要識得好多有關答題技巧，把你背誦的史實運用於考試題目中，要理解史事的發生。呢一科都有評論題，不過essay 15分一條，唔係中史既25分一條。ESSAY係要分析同考組織，並且有好多題目形式，要熟悉題型同歷史史實，但係唔係把你的學習材料背默，要識得回應個題目呢寫，寫到具體而合理的史實，你應該可以攞到10分以上。呢科都好講你的英文skills同批判思維能力，但非考你作文能力。呢個新高中課程少過會考，但問問題絕對唔淺。不過相比起中史已算係好好多啦。而且你發覺問的形式都同通識好似，而史識都可以作為通識學習背景。只要你識得技巧，唔洗死背史事！修讀歷史科，猶如參加了一次穿梭古今、遊走不同地域和文化的旅程。完成這次旅程後，你將會增加對個人、社會和世界的認識，對了解今日的局勢都好有幫助，同時識得了解國家之間的關係同培養出自已的個人觀點。

地理：
呢一科看似知識比較可以應用於日常生活中。但係呢一科都有好多抽象理論同答題技巧要識。文憑試都會考你地圖閱讀，但老師高班可能唔會再重頭教過呢Ｄ技巧，因為呢Ｄ初中都學過晒。你有七個必修單元同埋兩個選修單元要讀。另外，題目有分MC, DBQ同essay。Essay同中西史唔同，可能要畫圖，但呢Ｄdiagram書裡面都有。你寫essay要解說得好清楚，夠時間寫晒point仙致會有高分。如果你寫的elaboration not specific, 佢唔會比分你ge。Topic會講有關自然的事件同人文的事件，如earthquake, tropical rainforest, global warming等等。呢一科的選擇題出得好深，有時候都會考地圖閱讀技能。間中有實地考察，都唔錯。Data-based同essay要有得選擇題目呢答。而且climate同coastal regions呢兩課都幾深，而工業同城市都好複雜，都有D同econ, phy, chem, bio, hist, LS有關，橫跨各個科目。但唔好混淆，呢課主要係講location同埋locational factors, 並唔會講好深入的科學道理

2. 因為我冇讀phy chem bio,我會唔會難d讀到大學?
並唔會難讀大學。而且，你不能選擇理科同埋工程科的科目，但你可選擇一Ｄ文科的科目，所以入大學並唔會比其他讀phy chem bio的人差好遠好遠。

3. 修讀呢d科既出路係咩?
中國歷史和歷史：
修讀人文學科、社會科學及工商管理等專上課程。
可從事偵探、編劇、政治家、跨國公司顧問、博物館長、記者、教師、資料分析員及其他各種要求高階思維的職業等。

地理：
修讀地理科有助你選修與建築、地球科學、環境保育、土力工程、人文學科、規劃、管理及社會科學、城市研習相關的課程。
城市和運輸規劃、資源和環境管理、旅遊業、行政和管理專業。

其實文科生都有好多職業可以選擇唔好以為讀呢Ｄ只可以做教書或考古或歷史學家等。

2013-07-07 22:24:25 補充：
你到中四科科都深，所以要提早溫習，希望你成功。

2013-07-07 22:32:27 補充：
4.全文科唔會唔好只要有interest便行，不過你唔識一些科學知識都係唔係太好的事。

答1.

我先分析兩科(歷史和中史)的性質:

中史:

中史,其細緻深入程度,課程本身不會太難,中四,五主要會讀各朝代/時代的歷史,而中六,就會有各種選修單元,例如:宗教傳播,制度史(田制,兵制,科舉制),但是會有較多的測驗和不同的SBA,而且寫字慢的人,真的千萬不要選中史,會比較辛苦,因為中史的測驗考試的平均答題時間是一分的題目,用相同於分數的時間鐘答,所以寫字慢的人,真的千萬不要選中史,除非對中史很有興趣吧,但是因為中史科本身辛苦的關係,讀的人不多,課堂秩序會比較好,課堂的互動也比較好。


西史/歷史:

西史/歷史,因為覆蓋大多數國家,所以平均來說,一個國家的歷史不會着墨太多,因此相比起中史的細緻深入,西史相對簡單得多和輕鬆得多,在中四,五主要會讀一戰前的歐洲局勢至歐洲經濟統合,當中覆蓋一戰,二戰和冷戰等等的課題,中六,同樣會有各種選修單元,中六的課程有中國,日本,香港和東南亞國家發展的課題,西史的測驗相對中史較少,而且西史的測驗考試的平均答題時間是一分的題目,用雙倍於分數的時間作答,相對中史輕鬆得多,所以幾乎不溫書也可以答滿一頁半紙(除非平日對西史很有興趣和多看課外書)。


2.唔會,有好多大學的歷史系都不錯,何況大學看重的是那4科的主科(中文,英文,數學,通識)。

3.老師,社工等等.....其實很難說定,看你自己想做那一行。

4.一定不會,因為純文,純理,純商是好,混合一起讀一定會辛苦的,因為三類科目的性質很不同,混合一起讀一定會辛苦的。

1.唔會,你記性好就得
2.唔會,只會睇你electivs成績
3.大學可以讀文科,可以選自己的選修科學系
4.唔會,有興趣is ok

最後,已興趣和能力作考慮因素
希望幫到你
加油