✔ 最佳答案
32V 200mA係標示LED的規格,只能係參考,不能視為必定值。
V=IR算式是永恆對的,即係話你供應32V,視為恆壓式,它大概會取電0.2A,即係話佢內阻大約係160OHM,注意係內阻會隨溫度得改變,剛亮起時0.2A值會有徧離。而且在不同溫度時,電流值也許有變,即係200MA不能確定。
另一種供電方式係恆流,即用電子方式令電流保持於200MA,以上討論因為內阻會變,所以恆流式的供電電壓會變,一般會可能標示為 28-36V,例如內阻低時,,供電則減低電壓,令電流保持於200MA,這個方式較複雜,但對控制亮度較佳。
你的問題一,你無法確保係供電32V,谷大電流至350MA,因為受V=IR公式,取電多少決定於零件內阻。
假設你一定要谷到350MA,以公式推算V=0.35(160) =56V,要升高電壓至56V,(又假設內阻仍大約160OHM),不過咁大肯定LED會爆煲。如果你指32V350MA係你火牛的SPEC,當然冇問題,因為350MA只係火牛最大值,不是恆定。
問題二,又係那果,你不能同時決定電壓及電阻,只能決定其一,一般來說,本身標示電壓/電流係最佳值,但+/-5%應可接受,提升會令零件快衰老,降低會令效率低,(即例如省電10%,但亮度可能已減半)。提升電壓/電流是不建議,降低一般可接受,例如你根本不須那麼亮。