救命!!! Explorer首頁變左Hao123...

前一排我裝左一個百度既野，之後個首頁就變左做Hao123，
我係網際裝路選項果度set返個首頁係yahoo，
但每次開Explorer果陣第一個畫面都係hao123，
要我自己禁首頁先會返返去yahoo，
但我再睇返網際裝路選項果度個首頁仍然顯示係yahoo。

我已經將電腦裡面既百度同佢附屬既奇怪程式都del晒..
又試過del左桌面Explorer個捷徑,係開始果度禁Explorer但都係hao123，
亦試過用windows清理助手，冇整走到hao123不特止，
反而仲攪到每次開電腦就會彈左好多個有D唔知係咩既網址既message box出黎，
可能係因為我唔識用windows清理助手所以變成咁。

有人話用360衛士可以整走個hao123，
但我有朋友試過比維修電腦既公司整部電腦，
果個人幫佢裝左360衛士同另一個360既防毒軟件之後，
佢個首頁直情係比hao123綁住，點改都改唔返。
所以我唔知360衛士係咪真係可以整走我電腦既hao123

雖然人地話剷左個Explorer用其他瀏覽器就OKAY，
但因為個Explorer我的最愛裡面有好多野..所以唔想剷走佢。

請各位幫幫忙解答我呢D問題，thank you so much。