你地覺得有咩方法可以令人生有意義?

感覺上你同我有少少相似
我亦都係一個唔鍾意考試，鍾意寫小說、畫漫畫嘅人，身為過來人，都請容許我分享一下。
我相信你係一個右腦發達，好識捻計仔嘅乖寶寶，同時亦有啲厭惡現實。我相信如果你係興趣方面加以發展，都可以令你嘅興趣變成事業。你要知道，出版事業係對象通殺嘅行業，只要你嘅書有target reader，就盡力寫好佢，一旦有得出版就唔愁冇人睇。你都係想你啲故事有人睇、有人認同啫，唔使去到JK Rowling嗰種出名程度嘅~
至於你話暑期活動方面，我覺得好視乎你鍾意群體活動定獨處。如果你想識朋友，我建議你參加一啲戶外活動。通常參加呢啲活動嘅朋友會開放少少，你會容易啲同佢地傾計，另外我相信你啲小說都要寫景﹖呢啲活動都可以俾到你新嘅靈感。至於自己一個呢，你都可以試吓行公園，運用你嘅五官記底一切，就當係溫習之後鬆一鬆。
最後成績方面，如果冇估錯你都應該讀緊高中，好快考入大學。問題在於大學你想讀咩科，你可以上大學聯招(JUPAS)嘅網，睇睇有冇適合自己嘅科目，有嘅話就努力試吓攞佢當年入學學生嘅分數，一開始以下四分位(Q3、入學成績最高的75%)為目標，再到中位數(Q2、入學成績最高的50%)，再到上四分位(Q1、入學成績最高的25%)，唔好一開始訂目標訂太高。就算JUPAS冇你鍾意嘅科都唔緊要，要知道蘋果、微軟、Facebook創辦人一律係大學未畢業。
其實你呢啲問題好多人，包括我呢個應屆DSE考生都曾經有過。但係當你識得適時放底人地嘅睇法，唔好太介意得失，做番自己，你自然就可以輕鬆下來。若果你再覺得有壓力，歡迎你e-mail我(係知識+寫信俾我都得)

2013-06-27 12:05:09 補充：
如果你唔係高中生，都可以用以上方法，只不過對象就要改一改啦！

你地覺得有咩方法可以令人生有意義?人的生存永遠沒意義可言, 只可選擇<簡單+滿足>生存舒服哋.

做人好難教你 你要跟住自己feel去做 不過記住 做任何野前 諗下後果係咩 另外唔洗太介意人地 冇朋友有冇朋友既生存方法 你唔洗一定要令自己識好多朋友 朋友唔會令你得到D咩 成績唔好 諗下有咩搵到錢 去做 唔洗太高智力 信心唔係天生就有 你可以自豪一下自己冇朋友既生存方法 練大隻D 打拳 等等 冇人話自己唔可以做 因為係能人所不能 人生靠自己

唔做你想做嘅嘢，而去做你唔想做嘅嘢，就極有意義﹗