如何管好一班常偷懶的下屬?

賣哂佢地出去俾外判公司，好多大公司都係咁做。

如何管好一班常偷懶的下屬
1.特擊巡查+警告(嚇佢地)
2.以身作則
3.留意新人有無偷懶(新人一般勤力d，如果入黎好快就偷懶，可能係班老油條上樑不正，對症下藥教好班老野先)

如何管好一班常講是非的下屬
呢個要同下屬慢慢傾，要比佢地知上司唔鍾意，聽到有人講是非即刻制止，有時間可以掘出源頭警告佢。

如果真係唔得.....搵出問題最嚴重果一兩個，炒之。唔好比壞風氣成為公司文化。




我雖然無學過企業管理，但都係一個員工，見過同事偷懶講是非，見過上司點處理。
記憶最深有次兩個同事趁老闆入辦工室係外面講是非，以為佢聽唔到。之後老闆突然係辦工室入面加左句:「真係咁大鑊? 你d野做完啦?」.......之後鴉雀無聲，我笑左

可能你對下屬既鼓勵唔夠.

可以試下佢地表現好既時候,以茶點作獎勵,或輕輕拍一下額頭以表示作出肯定,平日亦要抽十數分鐘去跟他們講講心事,用愛去溶化對方.

我諗, 你要同佢地好好咁傾吓, 大家要設立一個可行的目標和方案:

如果連基本野既目標都唔肯就炒得。

如果訂咗目標又唔達標的, 又炒得。

一個團隊最緊要係大家合作同埋上下一心, 唔合作又冇表現, 就等於癌細胞擴散, 就變咗「日本郵船」, 所以, 長痛不如短痛! 炒!