20點! 點先可以避免情侶嘈交!!help!!

唔好做對方唔鐘意嘅事!!!!

溝通真係好重要，佢再係咁其實你都好難受。

試下平心靜氣同佢溝通多最後一次，
如果到頭來佢都仲係唔明仲係令你覺得咁難做，
就應該考慮分開一陣，大家冷靜下，
因為女人往往會係分開之後先知道對方有幾咁重要，
就會諗去改，但如果佢真係放棄你，
咁只可以講，每段感情都有有限既緣份，
佢夠愛你係肯去改。

記住，分開一陣，要清楚話比佢聽係冷靜期，唔係分手，唔係以後唔再見，
亦都唔好激動止，你要諗下，分開一下你自己可以自由啲，
佢又會反省下自己，大家有好處既事一定要和平成立。

如果你唔想用呢個方法，就真係要好好同佢講清楚個問題，
或者上網搵啲類似既資料比佢睇睇，
等佢認識下個問題係點。

你愈係驚佢，遲早有日你會忍唔住真係要散。

唉，愛情好脆弱，分手仲易過透氣，
加油啦兄弟！

首先你要知你做d乜會激嬲佢,你唔激嬲佢咪唔會鬧交囉;
如果一個女仔無理取鬧,咁就係得一個原因,就係想你哄佢呀!
哄下佢啦.

你本身都係d火爆人 而你今次呢段感情咁忍讓 可以禁住自己d火 氹返女朋友! 我估你應該幾錫呢個女朋友 haha 不過都明白你真係好辛苦既 好似係咁就女朋友但係都係不被諒解而且無改善個感覺 都幾失望同埋無奈!!

至於點樣避免 其實好難既 係情侶都會嘈交 但係都要睇下大家因咩嘈 不過最重要係點樣處理嘈交!!


其實聽你咁講 每次你地嘈交既pattern都係爆/嘈 睇黎你地2個都係果d好鐘意有果句講果句既人 鬧交都係情緒主導先 而有d情侶 知道就快嘈交果陣 就會好快唔出聲 廢事大家再爆落去 更傷感情 等大家冷靜d再傾 你可以考慮下呢個方法!

老實講 都幾欣賞你已經有就住嘈交呢個問題主動行出一步 至少你嬲完都會希望同女朋友妥協 希望大家都無下次 不過睇黎唔係好work 你話每次你嬲完講出黎話可唔可以體諒下你,換個角度念下,而你女朋友次次都話好 我估唔係好足夠令大家反思個問題 你下次可以同你女朋友問得深入d 叫佢代入你到 問下佢"如果你係我 你果下會有咩感受呀?" 當然要好好語氣 好似大家傾返有咩問題既tone 而唔係blame佢既tone lah :)

加油呀!!!!希望你同你女朋友感情愈黎愈好啦:)
有咩需要可以pm我或者email我啦 :D
[email protected]

我個人認為,小啲見面感情好啲,唔會成日鬧交,試下玩信息...試下去未去過既地方,例如旅行可以增進感情,最緊要努力工作先,揾錢最實制...你有能力揾到好多錢,你比到佢想要既野,佢就吾會成日同你鬧交...我同前女友拍左三年拖,三年內我送左都吾小野比佢,最後都散左,因為有個有錢人追佢...緊記努力揾錢,唔拍冇女...祝你好運

正所謂江山易改本性難移, 你就得佢一次就會有第二次, 如果你唔想咁可以搵個機會同佢傾下, 如果佢都係同以前一樣, 咁你就要諗下大家仲應唔應該繼續落去拉

你要知道鬧交係情侶關係入面扮演咩角色

咁麻煩, 飛咗佢就得, 而家女多男少, 大把各種年紀嘅剩女等緊你.

你將以上文字話俾你女友聽, 如果佢仲咁唔知 "訂" , 就飛咗佢啦.

首先 你要知道鬧交係情侶關係入面扮演咩角色
鬧交其實係情侶入面扮演一個磨合既角色
所謂磨合 姐係將2樣本身合唔埋既野
用鬧交作為工具 令到雙方慢慢更了解對方
令到唔夾 變成夾
所以有問題就要鬧交 避免鬧交既話
結果好有可能係分手收場

但係!!! 重點黎啦
點樣先可以鬧一場有價值既交呢?
第一樣野 你要控制同檢討既 就係禁粗口 (個女仔自己都爆粗除外)
我唔理你係咩人 唔理你咩脾氣都好
你女朋友事實上無義務要硬食你粗口
爆左粗你就要道歉 你就要氹呢個係正路
佢發你脾氣未算好彩囉 有D唔鍾意粗口既
你以後都唔洗指意搵到佢

火爆人仕其實遇到呢D事 最好就係STFU
中文係"塞朵忽翕"
你無法控制自己情緒 又無法控制自己講咩既
沉默係你最好既選擇
你可以同佢講"你等等我" 又或者 "搵個地方法坐底傾?"
係沉默既時候唔係叫你一味諗對方點樣唔岩 自己點樣無辜
係應該諗下 佢點解會發你脾氣 到底問題係D咩
問心
係你話人地唔識諗你既時候 你有無好好為對方諗過??
佢係D無理取鬧既人? 如果係 你又受唔受到?
受唔到 小的提醒你 早散早著
如果唔係無理取鬧 姐係閣下抵鬧啦

傾既時候 唔係一味數對方既不是
都要講下"咁我自己係XXX方面都做得唔好, 但係你係XXX方面我都唔係好鍾意"
傾既時候 都要自我反省
第一聽個個會容易D接受
第二你自己都知道自己衰咩


如果你講到話你一開始對佢太好
姐係你成認 你係追到手之後 對佢係明顯差左 或者比以前差左 對嗎?
咁你就要係話人煩之前諗下 係唔係有D氹女朋友既工作可以做多少少呢?
例如周不時比D驚喜人地 好似小禮物牙咁
細心留意下同你女朋友行街既時候 佢話想要D咩 而你又有能力既
點解唔買黎氹下人呢?

好啦, 當你姐係無辜係你女朋友唔夠成熟
係呢個時候用既都唔係粗口
我建議你試下用"將心比心"呢4個字 例如
你因為好多野做 陪唔到佢買衫 佢發你脾氣
你就可以叫佢諗下 換轉係你 你有D咩咩咩要做 又有D咩咩咩要搞 我就要你陪我行黃金 你會唔會咁陪我啦?
因為你就咁叫佢體諒你 其實佢都唔知點先係體諒人LOL
你要用例子出黎 等佢印象深刻D 咁樣個效果會比較好

最後我想講 拍拖其實係雙方一齊進步既階段
每個人都總會有D地方唔完美
去令到另一半變得完美就係你既責任
要用耐性時間同心機慢慢做出黎
火爆對件事無幫助

有價值既鬧交 係雙方都可以係罵戰中成長
係罵戰中睇到自己既不足
並且虛心接受同改善自己

逃避係解決唔到問題架

明白無:)?