唉 同女朋友分左手

第一
你既做法錯左. 你唔應該叫佢比番你抽水 (佢會諗你當佢係咩,玩下咁講都係)
人地初初可能會諗住你是但講下笑,但諗諗下佢會諗你當佢係咩 我又唔係做妓女 我都係個女仔黎 都想有人重視 兒唔係去將我當甚麼甚麼 或姐你要佢點做就點做 明白?

第二
自己眼看不見,不要當事實 邊個同你講都係 要親眼見到 唔係人地當你老屈
我唔知你當時有無講 我D FD當時見到你同邊個邊個攬埋一舊 有既話(以下佢既諗法)

(佢一定會覺得 我做D咩事 你都要搵人去管佢 搵人去睇住佢 監視佢 無自由咁 搵個第二個)

由此始終 佢同你一齊幾年 識左你咁來 有D野唔去講比你聽 想你自己去改 比時間你去改 到頭來 你都無改到 咁岩有另一個他出現 好自然佢當然會走 (唔信你問下)
好了(話完你,到教你點做 你照唔照做 你自己既事 不景我都用左我寶貴既時間打左咁多字出黎比你望)

第一
你唔好再煩佢(因為你煩得佢多,佢梗家認定你係一個死心塌地,死纏難打既人,佢會應為你就算點都會追番我,我係E~D時間搵第二個一齊 散左搵番你都得啦 你點都想追番我架啦)
比小小時間佢休息一下做番自由人(大約過多3個星期左右)
係E三個星期入面 千奇唔好煩佢 見到佢咪理佢 當唔識佢一樣(我合你個心好想叫佢. 想一齊番就忍住.) 自己諗下同佢一齊咁來 究竟有D咩野做錯左咩 (為免佢問你知唔知你自己做錯咩既時候,口啞啞)

三個星期過左之後 慢慢接近番佢 問佢近排點 無左我點 有咩感受
1.(佢答無左你同平時無咩分別既時候,唔該你醒小小 搵個第二個)

2.(佢答唔係好習慣,兄弟你有機會啦! 買束花送比佢或姐佢鍾意既野去哄佢,搵機會溝番佢)

唔該你溝番佢之後醒少少咪再提個另一個他 唔好為另一個他又嘈! 大忌黎
過左去由佢過去 以後佢同邊個接觸唔洗過問你 你係男仔黎 大方小小 同埋你同佢仲未結婚 唔該 佢仲有機會去選擇架!!

以後同邊個一齊都係 咪當人地係D咩 係D咩 人地分分鐘走左去你都傻下傻下咁唔知咩事 (最後祝你好運)

(完)

追番佢!!!!!!!

主要問題係出於你既多疑
拍拖 講個信字
你話同你女朋友都己經成年幾 同佢真係經歷左好多野
我敢擔保係呢年幾入面 "經歷左好多野" 有1半
都係因為你多疑所以引起
呢次一定唔會係第一次

首先你點解知道有人溝佢?
你情敵主動向你宣戰??
你應該係由其他途徑 好似4圍收風 偷睇MSG
係呢個過程入面 如果比你女朋友知道
佢應該會又嬲又失望

之後你就出招啦 唔比女朋友同佢WTSAPP
將心比心 如果你係好受女仔歡迎 有好多女仔都鍾意搵你
但係你又有女朋友 你女朋友想你唔好同佢地聯絡
你會點答?
你自己答完自己你就知道自己點解會算數 繼續比你女朋友同佢WTSAPP

LAST DAY就最多古怪野搞
個疑似情敵攬你女朋友
正如樓上話 你親眼見到咩?
如果你女朋友 係你面前同疑似情敵攬埋一齊
佢根本就唔CARE你 呢D女朋友要唔要都罷啦
佢作為你女朋友 係有責任令你安心

但係如果成件事只係靠他人一面之詞
你就鬧你女朋友
我只能夠講你係"屎坑點燈"
將心比心 你都唔會鍾意 你女朋友因為某D傳言就對你發脾氣啦?

最變態就係呢到
"甘果條友抽左佢水ma 我緊係呷醋 話我都要抽番"
我真係笑左 由個1刻開始已經唔會再係好好地
你真係當你女朋友係咩?
疑似情敵攬 唔一定係想抽水
但係你而家擺明車馬係一個色狼樣係要抽人水

我直到呢到可以推斷
你女朋友其實條件幾好 但係你就係個種自卑大男人
對自己又要無信心 但係又要懶係係女朋友面前擺副威勢男人樣個TYPE

點解會過左幾日先同你分手呢?
好簡單 個女仔係你話要抽反個一刻 其實已經好無力
同朋友傾完 應該會有朋友提議要佢同你分手
因為你女朋友D BEST FRIENDS好有可能係知道好多內情
例如 你女朋友同疑似情敵係咩關係
好有可能你女朋友同疑似情敵其實只係普通到唔普通既朋友
BEST FRIENDS們就會覺得你小題大造
之後再聽見"我都要抽番"...
再加上BEST FRIENDS們對你既印象
之後就會得出一個提議 就係同你分手

最令人驚訝既係 講到因為抽水而要分手
正常人都會話 "對唔住啦, 我以後唔敢啦 唔抽啦唔抽啦"
而閣下係"咪問佢點解因為要我抽水而同我分手 甘之後講左好耐 佢話俾我抽番次 好喇 我抽完喇 "

好啦, 我抽完啦 抽完咪玩完囉:)
玩完咪同你分手囉
你比個女仔1種感覺就係
你同佢一齊係只係想抽水
你只係一個咁下流既人

之後你追反人其實都係無補於事
女仔只會覺得 比你追反比你抽多幾次水咩?
定係同你一齊 之後繼續比你懷疑 繼續比你鬧?

你唔好懶人地 個條友出唔出現根本就唔關事
係你既多疑 你既自卑大男人 做就到你今日如此田地

你應該好好多謝個條友 因為比個機會你睇清楚你自己
LASTDAY? 我估你應該係中6 DSE對嗎?
你能夠追反呢個女仔既機會唔大
我建議你唔好再做多餘既野令呢個女仔再繼續憎你
慢慢淡出 日後好相見

之後再慢慢檢討你自己
為下一段感情做準備 將自己變成人地理想既男朋友吧