我同女友有d距離尚問題

我同男友一齊兩年幾都係網戀開始,一直問題多多,但要修成正果並非冇可能。
我細個成日網戀,因為天真方便。講真網上認真拍拖嘅人好少,一般三個月大限。
你地宜加反而係因了解而疏遠,你要有唔少私隱,佢想你完全坦白。你唔坦白佢會擔心你有所隱瞞,因為網戀可比隱瞞、不了解嘅已經好多,你要做更多去俾多啲安全感佢。

同佢見面!!!!!!!!!

唔好講話7年 70日都幾難過到
講真 網戀最後能夠成眷屬既機會好微
人人話人心隔肚皮
你而家仲要隔多部電腦
我勸你唔好浪費太多時間係佢身上

第一 根據你既資料 對方條件好好 條件咁好既女仔點解要上網識男朋友? 會唔會有D咩家庭背景 個人歷史你係唔知架?
第二 佢識網上識得你一個 網上面可能仲有千千萬萬個你 你玩天龍識 唔代表人地只係玩天龍 人地玩勁舞呢? 晴空物語呢? XXXYYY呢? 可能佢玩既每隻ONLINE都有1個你
第三 佢講到話7年之後先同你一齊 你諗都諗到啦 姐係而家佢根本唔需要你 留你係身邊話唔定有其他用意
第四 人地現實生活係點你清唔清楚? 難保人地早有男朋友...
第五 對方大你3年 經驗就多你3年 你肯定自己可以係呢段關係上有對等待遇嗎?

其實你而家要做既反而唔係拉近距離 係應該學習抽離 唔好再沉迷落去啦
你7年後先完成4年大學既話 姐係你而家大慨係中三中四左右
呢D重要時刻 比心機讀書 唔好沉迷啦 話唔定你仲可以係現實生活識到女朋友

如果你都係想繼續試下既 我都有以下建議
同網戀情人拉近距離只有一個方法 想方法約出黎見面
你對佢有千百萬樣成諾都唔夠見面拍拖有效用
佢唔信你亦都好正常
見面要比到佢有安全感 唔好嚇親人地 唔好望其他女仔 唔好掛住禁電話
唔好唔出聲玩怕醜 盡可能係第一次見面就將自己所有優點表現出黎
見面前做足功課 去邊到? 做D咩? 食D咩? 人地幾時可以反屋企?
唔好出到黎話 "你想去邊?" "不如4圍行下" "不如拖手" "不如去D公園坐下"
盡量去D多人地方 >>>由朋友開始做起<<<
唔好一開始就認定對方已經係你真實女朋友
我話你知 除非你係周杰倫 而你個網友又係鍾意周杰倫
你先至可以一開波就當有係你條女
如果唔係 你絕對唔好咁做
會死得好慘烈

留到一個老實大方正直既形象 先可以為下次約會舖路
之後係每次見面臨走前都要為下一次見面留定後路
例如 "下次不如一齊去邊到邊到玩啦"
但係我預先警告
網戀情人會有一定風險 男既話有機會要為該次約會付上所有費用
好似行街睇戲食飯 當然唔一定 但係會有咁既機會
所以預先準備好 先至會留個好印象比對方



到最後 我既忠告都係 學識抽身 遊戲始終都係遊戲:)