外牆污水喉

香港主要有2種排水設計,分別係單立式同埋雙立式去水.以最簡單既方式黎講,一個廁所有面盆,浴缸,地台去水,馬桶,呢4件野通常最後會駁埋同一條渠,所以分別都需要有一個獨立格氣(馬桶本身已經係格氣),而裝係邊(室內或室外)就冇規定.跟住問冇裝係咪違法,咁技術上係唔算,因為冇一條法例係關於呢樣野,但如果唔依圖則做,或者圖則冇經屋宇署批准,就已經違反左建築物條例既要求(咁即係都可以告,但唔係告冇裝格氣).

2013-06-21 11:34:42 補充：
同埋關於氣喉,通常起樓時已經設計好哂,好小情況係需要再由單位業主再花心思去"加裝",基本上唔將原來設計改變,理論上都冇咩問題.

當然,如果你問我,事實上係有計岩數但設計出錯既情況,特別係近年新樓,特別容易塞渠.

2013-06-21 19:24:49 補充：
以我估計,你係舊樓翻新果隻,由於施工上會有一定困難,所以好多時都係駁到條喉就算,真係換左仲衰過唔換.

有臭氣既情況,我會認為係嚴重,因為有臭味就意味大氣係同屎渠駁通,如果爆發如沙示既傳染病,會好危險,應該要嚴肅處理.

可先向承辦商反映,亦可以找屋宇署幫手,睇下D喉有冇跟圖則施工,定係佢地想點做就點做,亦可以問下鄰居,睇下得你一個係咁,定大家都有呢個情況.

隔氣只需裝一個，裝多一個就去唔到水。