我和BB冇緣.......離婚,重新追尋???

首先，你要諗第一個問題：當初點解要同佢結婚？
你可以話啱feel...你好愛佢...等等，呢d不作評論。
但當你應承結婚，你地應該對生BB...呢d家庭計劃有晒共識，
求婚果陣梗係乜都話好好好啦，hea下你自然任務完成！
如果傾唔掂數就應該唔好結婚住，到真係目標一致先結丫嘛！
呢d野無可能係結婚之後先plan/講架嘛！

生BB呢個問題，你老公話分薄你的愛...只係藉口，佢媽咪話支出大...都係，
其實佢地只係唔想孭責任上身，要食又要供書教學仲要湊，
講到尾佢地兩母子真係好似你老公話齋咁：唔想煩！
不過，你地都係22歲啫，或者過多幾年佢地睇法又會唔同掛！(如果你願意等的話)
btw, 就算你老公肯，我覺得佢mentality都無能力照顧，
而家佢連買衫買鞋剝橙洗西裝都要阿媽理，第日點教仔？
到最後所有責任都要會堆在你身上，佢阿媽一定闊佬懶理，理得你！

但係，得罪都要講句，你老公真係好裙腳仔+無鬼用，
就好似你講果d問題，一個大男人竟然叫阿媽去走氹老婆，
真係......(廢到無朋友)！
性事嘅野，同佢屋企人講真係好唔尊重，好似佢俾屋企人睇住你地現場做咁！

其實你地兩夫妻有咁大的分歧，再加個人地媽媽，真係好難再相處落去，
雖則寧教人打仔莫教人分妻，但勉強無幸福，
既然大家傾唔到，方向唔同，不如大家冷靜分開一下先啦！
而家冷靜分開一陣，總好過他日大家拿刀互斬不歡而散嘛！

分開過就算佢肯回心轉意聽你話，都未必甘心情願，都仲有其他問題，
如果仲係傾唔到就即係大家路不同，咁你就要考慮下，無謂委屈自己嘛！

傾唔到就應該放開雙手，搵一個真正適合自己的人啦！
始終女仔青春有限，唔啱自己的人就應該放低佢，重新出發吧！

2013-06-20 20:44:23 補充：
同意樓上一號咁講，除非你可以為佢放棄要BB，以後絕口不提，
但你忍得1年, 2年, 10年呢？你始終會有1日會忍唔住，會後悔！
如果你唔想咁，趁年紀仲細，仲可以揀，離婚真係一件可以令你解脫的決定！

雖然你好像特別講出很多「問題」或理據...但現實一點來看...那些後補都不太重要。

他(包括他媽)真是不想bb
而你真係要有bb才能面對自己的人生

就算你寄望他媽百年歸老....他四十幾時突然感動想要個仔...你也未必得吧...到時可能他可以「合法地」用代母行個bb...但仍不是你的吧...

所以既然佢也感到問題所在...提出分開...只是男人要面子(由於他由始至終係找一個要給他專愛和專愛他(怕bb會分薄你對佢的所謂愛-現實係會的)的女人吧，你似乎唔係那個女人囉...

離就離吧...

你22歲...就當是給自己的一個教訓和成長課(雖然都好貴, 但生命無價嘛)，好在你似一個情理智商都能自我學習進步的女仔...一定會有好男欣賞和歡喜娶你跟你造人的...不過下次記得拍拖時便唔好怕尷尬，覺得佢係有feel就要問他...我想要bb...你會想幾時...[告訴他想像自己50歲前個仔便大學畢業的圖畫...]你係聰明女應該計到時幾時生的啦。

願你不要錯過幸福的人生！

我相信你地當初決定結婚,
一定係有d原因既~
如果衣家就咁分開,
你同佢係咪都真係覺得ok?

兩個人一齊需要好多好多既包容同遷就,
我覺得你地都可以諗清楚,
可唔可以包容或者遷就大家既諗法,
同埋衡量一下邊樣野係重要d,
有BB? 定係你地既關係重要d?

我諗係同佢好好溝通之前,
你自己都要想清楚先~
然後大家再認真傾下~

加油加油!
祝褔你! 希望你可以搵到你既答案 =)

如果你想深入咁傾多d既,
可以add我呀~~~

Facebook & Skype: [email protected]

算吧啦！勉強無幸福，得22歲結婚唔係問題。
最問題係無腦結婚，根本係佢全家都有問題，外國家庭。

中式家庭邊有更開放，邊會唔生BB。
你同佢生都會養唔起，你個老公太無用。
根本唔係男人離，亦唔係老公離。
咩都要搵啊媽，敢細路仔，好心就唔好同人結婚，唔好學人搵女朋友。

世界真係無天理，更垃圾都可以結到婚，真係有無搞錯。
你形容你老公好似係智障人士，其實佢係唔係智力有問題？
咩都靠唔媽，唔死都無用。啊媽靠唔到一世，佢永遠都早死過你。除非你自己就能夠早過佢啦！

佢啊妹講，佢男朋友知唔知先？如果知人地會唔會比你講？
其實就分明佢全家非常之唔正常，溫室中的草莓。

我覺得佢地分分鐘會亂倫，太開放唔代表係一件好事。
唔好話無私穩，佢地根本就唔識咩叫私穩。

你結婚無耐就敢，你點長久？
佢唔想做就唔好做愛就唔會有BB，你叫佢唔好同你做囉。
不過你同佢生出離都你養唔到，佢啊媽邊有時間理你地。你唔洗指意佢，佢連自己都搞唔掂。


你地結婚唔係得兩個人嘅事，係兩家人嘅事。
所以你都係同你媽媽、爸爸、外家商量，你地敢事。
離唔離睇自己，我地幫唔到你話事，只可以比意見你，同講睇法你聽。

我忠告你的就是，早走早著，遲走訓唔著。

岩岩先結婚就咁..咁當初為咩而結婚?

雖然俗語有云"寧教人打仔, 莫教人分妻"

但依家你地夫妻間有咁大的分歧, 勉強無幸福.
新婚的夫婦其實係最甜蜜的, 久而久之, 大家相處難免會有更多爭執.
但如果蜜月期, 你地已經出現左呢個咁大的分歧, 咁以後的日子大家就只係忍來忍去.
生唔生BB, 唔似得一個壞習慣咁, 話改就改.
你地各有各的堅持, 若果最後無人退讓的話, 達唔到共識.
你地夫妻間就只會大家心入面都有條刺...
長遠, 好影響你地2個的關係.
到最後, 大家都相處得唔開心.
難免, 最後的結果係... 不歡而散.
而且, 從佢講個句"不如分開", 都暗示左佢的堅持.
作為一個成年人, 已經唔係18,22...
佢應該係消化過, 明白講呢句說話的後果, 先講...
所以, 我相信佢真係好堅持唔要BB呢個決定!
既然, 你好想要BB, 佢咁堅持唔想要BB.
即係話, 大家向緊2個方向行, 越走越遠...
雖然, 大家係相愛而走在一起~
但係除非你可以因為愛佢而放棄要BB, 以後絕口不提
如果你辦唔到的, 咁離婚唔係一個咁壞的決定
唔係的話, 你忍得1年, 2年, 但終有1日你忍唔住的~
如果你真心希望有自己的BB, 可以再試試同佢傾下...
真係傾唔到的, 就放開雙手, 從新出發吧~
找一個Right person, 再重建一個家, 是需要點時間的~
畢竟... 女仔青春有限!

2013-06-21 10:46:39 補充：
作為一個有承擔的人, 先值得付託終生~
但如果你話你老公連食個橙, 都要依懶阿媽的, 恐怖佢仲未係好成熟~
仔女同父母關係好係好事, 但樣樣唯唯諾諾就變得沒有主見啦~
今日, 你跟佢父母相處融洽.
如果有一日, 你跟佢父母有爭執, 就算道理係你呢邊...
相信, 以今日的佢(如果佢無改變的話), 佢應該唔會為你呢個老婆企出黎講一句說話.
一個男人, 唔會為自己女人企出黎去保護自己的女人.
咁結婚係為左咩呢? 似乎已經變成例行公事...
咁的一生, 你會甘心嗎?
除非, 你覺得佢會為你改變.
否則, 不甘心10年如1日的生活的你, 就應該作出決定!