買龜&養龜

#1. 如果我冇窗台,又暗,點可以令隻龜曬到太陽?
我屋企d龜都係放係窗邊冇曬到太陽, 不過有時會比佢地照下紅燈(亦係爬蟲類專用燈，有殺菌功效)

#2 我好怕蟲,買果陣點知佢龜糧定蟲?
水龜就只需要餵龜糧可以吾駛用紅蟲，落紅蟲搞到缸水好污穢。以大條嗰d蟲係用來餵陸龜的， BB龜就隔日放小小龜糧就OK喇！！

#3 買巴西龜好定草龜好?
其實兩者都OK, 最重要係您買嗰陣鐘意邊隻多D....我就喜歡草龜喇^^

#4 點知隻龜健5健康?
您買嗰陣要睇下隻龜對眼夠吾夠神(即係咪眼仔碌碌), 四隻腳嘅甲齊吾齊整同有冇比其他龜咬過(始終成群有機會會爭食的)..最好係走嚟走去嗰隻！

#5 龜可5可以擺入浴缸?
擺入浴缸.....先要撤底清洗浴缸, 確定冇沖涼液等化學物料, 我有買個膠盆給牠們專用, 換水洗缸嗰陣用.....有時冬天比佢地浸下暖水咁(佢地至愛)！！

#6 龜會5會咬人?
龜其實係會咬人嘅....我有D朋友放隻巴西龜係屋企周圍走, 龜係會無情情咬佢地腳趾, 不過您放係缸就應該冇問題嘅！！

#7 龜at night 係咪好噪?(我冇乜所謂,只怕噪親人)
正常嚟講龜係無聲動物, 一D都吾噪！！我養左佢地8年，只係at night 聽過一兩次佢地"AS AS" 兩聲咁(若果您驚佢地噪就吾好放石頭落個缸度, 按我嘅經驗佢地夜晚都鐘意搬石架...不過就好可愛咯^^)

#8 龜平均有幾長命?
龜平均都可以有二, 三十歲命，有D陸龜過五, 六十歲命都有...!

#9 龜會5會有病傳俾人?
龜係吾會傳染d病俾人。。正常佢地一有咩吾妥，病左都係會吾食野！不過衛生問題，您接觸過佢地之後都要洗手！！

希望幫到您

你放心,其實養龜唔駛點打理架,好方便!
我自己無特別買貴的龜種, 都係街邊$10隻個d~
由一個$5蚊銀咁大, 養到佢大過一隻手(連手指)
初初細隻的時候, 我只係放佢係個透明膠盒(高身d)
有時俾d 水佢游下, 有時就倒剩少少水俾佢, 放2粒石仔等佢爬上去
放係windows 晒太陽,但要留意佢企左上石唔可以爬到出黎, 如果唔係會掉左佢落街啦~
到佢大的時候, 我已經無用盤困住佢(因為就算困住, 佢識自己爬出黎
不過so far ok , 草龜唔會咬人...
最多係你喂糧俾佢的時候, 佢以為你隻手指係糧, 先會追住你架jer~
龜係好有靈性的動物, 雖然佢唔識好似貓同狗咁出聲表達
但係佢會有佢的方法去話你知佢想點~
好似晒太陽咁, 當佢大隻左識自己爬出黎的時候.
佢自由啦~ 佢自然會自己爬去有太陽的地方, 停低, 伸晒手腳出黎,
sunbath 一下~~~
除左食同晒太陽, 佢的其他時候就係瞓,
所以你都唔駛點理佢, 更加唔駛怕佢嘈!
單講有時好難明架~
養住黎學啦~ 俾d 愛心就得架啦~