好驚滋擾電話34026711或23936200求意見解決問題

呢啲咁滋擾嘅電話鈴聲同埋騷擾嘅電話內容搞到我真係好驚好煩, 唔知邊位可以畀啲意見我幫吓我解決呢個問題! 唔該哂!

叫佢哋唔好再打電話嚟騷擾都冇用。
日日照舊定時定候無來電顯示嘅電話打嚟騷擾講同一番說話, 留低電話號碼34026711或者23936200, 講完就收線。

睇嚟唔似係行騙電話, 因為騙徒唔會咁夠胆日日定時定候打電話嚟! 但係對我嚟講肯定係滋擾電話, 真係好驚好煩!!

最近呢半個多月每日早上7點幾8點, 上午10點幾11點, 中午2點幾3點, 下午5點幾6點, 晚上8點幾9點, 都有無來電顯示嘅電話打嚟, 每次約響4至5吓鈴聲就收線, 手快接到電話對方係一把女聲話 "你好, 有緊要事搵你, 請打34026711搵歐陽先生。" 又或者係同一把女聲話 "你好, 有緊要事搵你, 請打23936200搵劉小姐。", 講完就收線。

打返去通常都係冇人聽電話, 有人聽就係唔同男人接電話, 佢哋次次都係話歐陽先生或者劉小姐唔係去開會就係行開咗唔得閒, 仲要問返我嘅電話號碼先會講咩緊要事, 想套我嘅資料, 話係幫歐陽先生或者劉小姐留言喎佢會覆機, 問對方咩公司咩地址死都唔肯講就收我線。

但係其中有一次接電話嘅人話佢哋果度係有好多間公司, 唔知我要搵邊間公司嘅歐陽先生或者劉小姐, 仲反過來問我嘅電話號碼套我嘅資料話係幫我查係邊位搵我, 正當我猶豫不決畀唔畀我嘅電話號碼就收我線。 有一次對方又話係速遞公司, 有一次對方話係貿易公司, 有一次對方又話係信貸公司, 次次都係對方講講下就收我線。 奇怪係同一個電話號碼34026711或者23936200都會次次唔同公司嘅? 總之就係鬼祟又蠱惑, 冇句真!

好驚滋擾電話34026711或者23936200, 求意見幫我解決問題!! 唔該哂!