牙齒煩惱... 可唔可以俾d意見我 煩左好耐

你好。首先箍牙方面分為２種：傳統鋼粒，隱形牙套
２種都可以排返齊你ｄ牙，呢方面你的確唔需要擔心。

而你話先天性下顎骨突ｄ，真係要睇你照左既ｘ光同整體個樣
你睇個牙醫有冇話應該邊樣做先做後？？箍牙先定手術先？？
如果係冇分次序的話，咁我就想知你成個費用會係你自己俾定屋企人俾？？
因為我覺得你自己負擔到，而真心想做，你可以去做左箍牙先。
睇左箍完牙既情況點先決定之後仲做唔做個手術。
點解我建議你箍牙先，因為你話擔心你門牙愈大愈疏
的確我可以好肯定話你知，牙齒會因應人既年齡增長而不斷移動，唔係一時間好大既郁動，而係慢慢慢慢咁郁，到你發覺既時候就會覺得嚴重左好多。另外，就係如果你而家好想做，因為你而家都２１歲喇，箍牙過程已經會比十幾歲既小朋友長左少少，如果到你三十幾歲先決定去箍，個過程又會比廿幾歲時再長左少少。

另外，手術方面，我都聽人有做過，個過程的確好辛苦，好似要維持２～３個月o係醫院，唔知係咪同你做既手術一樣。
但我亦都知道，如果情況輕微，可以試下箍牙時打骨釘。當然呢方面都係要因應牙醫睇左你個ｘ光之後決定做唔做到啦。

你問如果係我會點，我會話，我負擔得起個費用，而又唔一定要做手術先，我會做左箍牙先，因為箍完牙本身都會有所改變，只係多與少既問題，所以我會睇左箍完牙個效果先決定下一步點做。而選擇邊種方式箍，你決定箍時可以再問我。因為我已經箍完，有經驗，做過晒資料搜集，好多想箍牙既朋友箍前都黎問我，所以呢方面我可以幫到你。

補充一樣野，你個牙醫講到明你箍完牙會好明顯個口合唔埋,下顎突？？
因為我問過自己睇開既牙醫同做過既資料搜集，箍牙除左係為左外觀好睇之外，最重要係為左改善本身牙齒唔齊而出現既咬合問題，而箍牙過程一定要保證你咬合無問題先會同你講箍牙完成。我當初箍牙，係好快排齊，但仲要一路箍就係因為咬合未得，要調教返好先同我講我箍完。

你只係睇過一個牙醫？？有冇睇幾個問下？？因為箍牙同手術呢樣野都係好睇牙醫經驗。我建議你問多幾個。如有需要，我有牙醫資料可提供俾你。希望幫到你。

2013-06-24 10:25:43 補充：
如果醫生真係講得咁清楚咁明咁決絕一定要2樣都做先OK既，咁你真係極度想做，唔想後悔，我覺得你應該去做。當然，你都明白到每個手術都會有風險，所以都唔會有人擔保到你１００％成功。不過，我真係見過有Ｄ人（唔係好熟既朋友）有做過呢個手術，表面聽佢地講初頭會好辛苦好辛苦囉，個人會消廋；但後期好返都唔覺得有Ｄ咩後遺症，而且真係比之前靚左好多。咁深入既痛楚同感受真係要當時人先知喇。

另外，你提到如果唔整有冇其他方法。當然有啦！牙梳唔同爆呀，牙梳又唔想箍牙。
首先可以試左用補牙方式令到每隻牙一樣大小冇＂喇＂先（呢個方法好處係價錢便同冇咁傷傷害Ｄ牙，但唔好處係可以比較容易崩或脫落，要經常去見牙醫）。

2013-06-24 10:28:13 補充：
第２個方法就你所講做牙套，Ｄ牙會比你原先既牙大隻Ｄ，因為要填補返你Ｄ牙＂喇＂，所以一定要整大Ｄ（呢個方法好處係唔易崩唔易甩，處理得好可以用好耐；相反好傷牙，整完之後你保養得唔好有咩事可能會救唔返Ｄ牙，嚴重既有機會令做左牙套既牙要全部拔掉。所以香港牙醫而家無必要，唔係最後方案都唔會揀呢個俾病人。）
仲有第３個方法就要因應口腔情況而決定做唔做到。牙貼片，你要問清楚牙醫你做唔做到，因為多數人做係為左快同有勁白而整齊既牙而做。呢個冇咁傷牙，但都有機會崩同脫落，不過多數牙醫都包保養。

如果唔係做箍牙搞咁多野的確係呢Ｄ方法，但你衡量返啦啦。箍牙唔會傷牙，但做手術有風險；其他方法一定會傷牙，只係程度多與少

可以做手術既~有D人系用整和把D牙重新在整過

可以做牙套架嘛, 我都係門牙疏的問題, 都係做左牙套, 你問一問醫生你合唔合做這個啦......

倒及牙係有骨性同牙性,牙性姐係D骨好突,牙性係D骨唔突,但D牙係下包上,你話你個口合埋,下顎突,甘你一定要骨性啦,骨性一定要做手術,如果唔係就算COOL左之後,都只係D牙齒唔係倒及牙,但事實上D骨仲係倒及,同埋我想問你係咪好突先?突成點?有D人倒及牙我覺得冇咩問題,因為整體睇落去順眼,主要係順眼.

你屋企人唔想你做手術,都係擔心你會有事姐,不過睇一個人唔指係睇個下顎突唔突,仲有好多野睇,E.G:身材,才華,性格等等

如果我係你既話,如果冇咩才華,身材等等離保返下顎突出既問題,我可能會做手術,因為講真,我見過D人倒及牙笑果陣好似好辛苦甘,因為下顎好長,如果呢一世只係微笑對待人,甘咪好辛苦,唔可以大笑,想笑都唔得,又冇哂自信,第時結婚果陣,影你都要笑架,你自己係甘諗黎諗去,活得甘唔開心,甘不如去做,其實你自己個心好想做,話哂第1印像都好重要,但呢個手術的確有風險,話哂都要CUT骨,邊一個手術係冇風險.

順便一問:你下顎有幾突先?有冇圖?

2013-06-18 09:15:52 補充：
牙性姐係D骨好突=骨性係D骨好突