關於護士學校註冊護士課程，thx~

我依家係讀緊醫管局辦理的註冊護士課程~應該可以幫到你

有3間醫院, 分別係伊利沙伯醫院、屯門醫院和明愛醫院有開辦
入學要求係 應考者須年滿十八歲或以上，並具備香港中學文憑試包括四個核心科目達三級或以上,包括中、英、數、通識及一個選修科(包括生物、化學、物理、綜合科學及組合科學)目取獲第二級或以上
課程為三年全日制，學費為每年約$28,000 (分兩期繳交) (依家暫時都係依個價)
報名時間係大約6-7月開始就會有, 報名方法要留意番醫管局個網頁, 到時要填form寄過去, 之後會有機會面試, 再等消息, 到時已經差唔多8月
入讀課程後, 通常會係聖誕節-新年假, 暑假個段期間實習, 即係每完一個sem就會出醫院實習, 但都要視乎每間學校自己的安排.

另外依家東華學院有開健康科學學士(榮譽)學位課程, 主修五年制護理學的學生，畢業後將合資格申請成為香港護士管理局認可的註冊護士。
詳情可以睇番http://www.twc.edu.hk/nhs/our-programmes-hant/bachelor-of-health-science-hant/bachelor-of-health-science-honours-hant?lang=zh-hant

有問題都可以問我, 會盡量答你

註冊護士課程名單可以上護士管理局網頁看. 醫院除了醫管局的高級文憑課程(要在明愛、伊利沙伯或屯門醫院護校上課)外, 其他就係由中大、港大、理大、公大及東華學院開辦. 前四者可以到大學聯招報名, 大學聯招就是供HKDSE考生報大學學位, 每年9月就會開始, 詳情自己到大學聯招網頁看, 聯招網亦可看到收生成績. 東華學院可以經E-APP或者上東華學院網頁報, 放榜前有得報.

註冊護士入學要求統一都係中英文最少3級, 數學、通識及最少一科選修2級或以上. 有些會優先考慮理科/生物合格的學生, HKU甚至要一科理科合格. 當然到最低入學要求唔代表一定收你, 所以唔好以為3322 2就一定入到大學, 已經可能性很低了.

實習方面, 以前舊制讀4年, 4年都會有實習, 1個星期會做幾日. 實習係無人工收. 以以前中大為例, 一個學期大約會有1個月時間做實習, 1星期4日實習, 實習唔一定係醫院, 社區實習都有. 同埋諗清楚是否真係想讀, 有唔少人已經第一年有轉系念頭.

2013-06-16 14:45:17 補充：
更正: 新學制讀註冊護士要求係四科必修最少3級加1科選修最少2級.

如果你大學並非讀護理, 你可以選擇畢業後讀中大或理大的護理學碩士課程. 不過, 為了有機會晉升, 就算大學讀nursing畢業都會讀master.

2013-06-19 21:17:37 補充：
更正: 最低要求係四科必修最少3級加1科選修最少2級.

註冊護士課程分為學位課程和非學位課程；學位課程是中大和理大的學士課程，需經大學聯招辦法(JUPAS)入學；

非學位課程是醫院管理局三年制「護理系高級文憑課程」，入學要求是 香港中學文憑試包括四個核心科目達三級或以上,包括中、英、數、通識及一個選修科(包括生物、化學、物理、綜合科學及組合科學)目取獲第二級或以上。

醫管局一般在6、7月開始招生，上課地點在伊利沙伯醫院、屯門醫院和明愛醫院的護士學校，應經常留意醫管局的網頁以獲最新資訊。