canon單反相機一問!!

700d係入門機，無話唔岩新手，但選擇當然唔止呢部，sonyA37，nikon d5200都係入門機，可以係budget上考慮一下。

另外樓主講嘅60d，係中階機，連拍上會比700d快啲，而且部機係防塵防水滴，但就無左反mon，而且重手小小。但如果用樓主所講嘅18-135mm套裝，用上同一setting影出黎，應該唔會太大分別。

新手注意就係要睇說明書，因為說明書除了左話俾你聽點用部機外，仲會講好多攝影嘅基本知識，照住黎試就已經有個底，再出去試多啲就ok。

其實大行當然有保証，可以格岩價先買，細鋪有時可以提供更優惠價格，但以往曾經出現過品牌本身唔承認係行貨而唔保養嘅情況，所以建議係熟知行情之前都係喺大鋪買返穩陣好多，而且其實價錢都唔一定貴過細全鋪，最緊要肯行多兩歩格下價就ok。

樓主所講嘅可換鏡應該係講緊無反？其實相嘅質素主要係睇塊cmos，但而家嘅無反都經同單反用同一塊cmos，單反優勝嘅地方只係操控性比較好同埋鏡群比較大。



Ps，to no3lunch，唔識就唔好亂咁答人，標準鏡一般係指全片幅上50mm焦距嘅鏡頭，因為視覺上同人眼比較接近，真係信你一成都死呀。

新手就買即影即有相機，價錢平，簡單方便，保證影到相，而且仲係潮人潮物，人人應該手揸一部。如果你點都要單反，咁就部部都可以，你買到咩嘢套裝就視乎舗頭供應，唔係話你要就一定有，反正你係新手有排學，係永萬買會比較實惠，基本上買機身鏡頭就可以，當然你會選擇套裝機，但135長鏡多數冇套裝，你可能要逐件買，你還要配一個鏡頭濾鏡，用來保護鏡頭，相機舗知道你要咩嘢。單反機可以換鏡頭，你亦可以唔換，所謂換鏡係更改焦距配合拍攝距離，例如人多場合，你位置有限就用廣角鏡可以拍攝廣闊場面，如果你距離主體較遠，無法行近就改用長鏡將主體拉近，如果你可自由移動就無需要換鏡頭，通常單反機常用鏡頭叫標準鏡，標準鏡頭視角同人眼接近，意思說從標準鏡觀察影像同人眼一般大小。