她有專注力失調嗎？

我幫緊一個10歲，小四女生補習，一開始接尼份工果時，佢媽媽同我講佢唔肯番學，唔肯做功課，令佢好煩惱，所以想我幫佢補習，每日都補到佢做唒功課為止。我已經幫佢補左半年，情況無大改善，但我無法評估佢係米有專注力失調，所以想請大家比比意見。

佢平時既表現:

1. 突然大叫，突然離開座位
2. 十問九唔應，只要佢唔想答你，你等佢1個鐘佢都唔會答(真係試過)
3. 鬧佢果時，佢會用鄙視既眼光啤你，雙手拳頭緊握，但唔願出聲反駁
4. 當聽唔到你講野，繼續做佢要做既野(好多時我一去到，佢會走左去玩電腦，我叫佢不如做完功課先玩，佢經常當我無到當聽唔到)
5. 佢每做3樣功課我會比10分鐘小休佢，但每次10分鐘完左，佢都唔肯番位做野，次次個休息都多左1-2倍
6. 唔受軟唔受硬，一開始同佢補，有次，我鬧完佢之後佢坐係個位到，仲有3份功課未做，佢死都唔肯拎起筆做，結果由4點半做到差唔多9點(平時做功課都起碼要2.5小時)
7. 又自大又自卑，無咩禮貌，但人際關係幾好，仲係班長，會同我講學校生活有幾開心
8. 寫字好執著要寫得勁靚勁整齊
9. 中文語文能力幾好，平均有75/100，但英數差，會唔合格

我唔知我繼續幫佢補，係幫緊佢定害緊佢，我擔心佢習慣左有人同佢一齊做功課，自己唔會主動做(其實而加都已經係，我唔去佢唔會自己做)。而且我養緊病，一日對佢五日真係好辛苦，成日比佢激，而且我都係時候搵份正職。

佢係米有專注力失調？