箍牙與補牙問題

其實你箍牙想用邊個方式箍？因為而家除左有傳統鋼粒之外，仲有隱形牙箍。價錢

亦都相差甚大。而需要脫牙箍同唔需要脫牙箍亦可以相差幾千蚊。

我就冇網站介紹俾你，只係我一ｄ個人經歷同睇開既牙醫資料：

傳統鋼粒收費大概＄２３０００ - ＄３００００
你決定做，牙醫會幫你印模，當日會收＄５０００
有需要脫牙而有心理準備的話可以當日脫埋牙，如果唔係就再約多一次時間
（脫牙因應不同診所會有不同收費，而我睇既o個間係全包既，所以脫牙唔駛錢）
之後落鋼粒時，開始每次覆診收費為＄１０００，直至箍完為止。
所以只係開始時俾多少少錢，之後每個月只係俾＄１０００就可以，負擔唔大。
而補牙方面，假設你補牙位置唔係脫牙位而又唔係牙面，當然是補完先箍，如果係牙面就箍牙前後幾時補都可以，取決於你自己或問牙醫。
另外提提你，傳統鋼粒箍牙會比較難清潔同比較痛，但時間上比隱形牙箍快少少。

隱形牙箍收費大概＄３５０００ - ＄４５０００
都係你決定做，牙醫會幫你印模，當日收費＄５０００
印完模後需要等一個月左右，等診所姑娘打俾你叫你返去睇３Ｄ電腦模擬圖
睇圖當日牙醫會講解你知３Ｄ圖所顯示既資料，收費＄１００００
同樣，有需要脫牙及有心理準備既可以當日做埋，如果唔係就再約多一次時間
（脫牙因應不同診所會有不同收費，而我睇既o個間係全包既，所以脫牙唔駛錢）
睇完圖真係決定無問題，牙醫先會叫美國間廠做你既牙模，所以要再等２個禮拜左右先會有屬於你自己既隱形牙套。
牙套返黎之後，咁因為牙套可以自由除戴，牙醫或姑娘會教你點戴點除。
其後收費為每一副牙箍＄５００，因應你自己想拎幾多副走。
隱形牙箍容易清潔，外觀睇上去唔係專業人士係睇唔出你有箍牙。
而每副牙箍戴２個禮拜，每日必須戴最少２０個鐘，最好２２個鐘，除食飯刷牙外一直都要戴住。戴得唔足可能會跟得唔好，未必會係睇３Ｄ圖最後箍完既效果。所以適合自覺既人士。
同樣，假設你補牙位置唔係脫牙位，就箍牙前後幾時補都可以，取決於你自己或問牙醫。
隱形牙箍係最初戴除時會有ｄ困難同每次換牙箍頭２，３日會有唔舒服感覺外，適應後會除戴自如。

以上都係我曾經做過既資料搜集同問過牙醫。如果你想做信用卡分期亦都可以，但要自己問問牙醫，呢方面我唔清楚。

最後，提提你，價錢方面間間診所唔同，傳統鋼粒取決於牙醫本身。但隱形牙箍就大部分牙醫都係用美國既o個個隱形牙箍品牌，所以係同一間廠，品質亦一樣，但間間診所定價就唔同，我問過有ｄ去到６萬幾蚊但同一品牌。另外，箍牙個費用會包ｄ咩都要問清楚，屬於箍牙範圍既都應該要包，而唔係再逐樣同你計錢。

如果你有需要我可以介紹我睇開個牙醫俾你，希望可以幫到你。

箍牙費用差異很大，要看年紀及選用何種方法，亦會因治療的複雜性不同。你都有睇緊牙醫，為甚麼不先問他，以作參考。箍牙可以同牙醫生商量付款方式，有助制定預算。
至於補牙先定箍牙先，若已決定箍牙，有些牙可能因箍牙而拔去，而剛巧是要補的牙，在這情況下當然不用補，若未決定，則應補牙先。補牙費用可以先查詢牙醫(約250-350一隻)。