上車首期, 應放在哪投資合適? (急!)

1. 股票風險太大，兩年後可能所餘無幾(講笑，不過可能係真)，如果要不容有失就一定唔好買股票喇！

2. 其實呢個做法都唔錯，一定萬無一失，買完 iBond 之後 d餘錢就放係銀行做吓定期啦！接近零息都冇計喇！

3. 買啦！仲等咩！


我仲想講多少少，同你計計數：
假設買300萬樓做九成半按揭 -
首期15萬 + 律師費 + 按揭保險費 + 經紀佣金 + 乜契乜契 + 好貴o既印花稅(如果兩年後仲係咁貴的話)
30萬好似剛剛好，或者有機會唔夠…
跟住仲要裝修買傢俬買電器…
仲有結婚費用…
仲有…
唔敢再計落去…


希望兩年後個樓價冇咁貴等你可以買得輕鬆d啦！

好坦白講,以你既情況,係唔好做任何既投資,一條心儲錢去買樓,唔好將件事複雜化.

先講對沖問題,買地產股去平衡樓價風險係唔正確,兩者係唔存在必然性既關係.舉個例,最近房地產基金全線下跌,但市場上既租金並無下跌,情況就正是如此,我唔係想解釋兩者背馳既原因,而係想講有關係既野但實際上唔一定跟足,又例如黃金升,金礦股係可以跌架喎.

另外係IBOND,抽中無所謂,但就唔好係市場買;定期方面,以你既銀碼計,同活期冇咩分別,可能你會諗人仔,但要好小心匯價風險,升左咁多,至少肯定你唔係平買.

最後,其實不投資亦係一種投資,邊個話美金只會跌唔識升,係咪先?

月供基金都唔錯呀，
但要買冇年期既計劃，仲要2年後可以囉錢，我諗應該幫到你。
因我自己都準備緊，雖然冇月供1萬咁多。

有間公司為咗挽留人才, 推出咗:

〈租者有其屋計劃〉

服務滿 2年的僱員可以市值租金租用, 租用期內絕不加租, 僱員只須連續租滿25年, 便可以無條件取得該物業之業權。

對儲極都儲唔夠首期的打工仔嚟講, 好過等政府打救。

即現在你約有五,六萬在手,對嗎?我的建議是你先全家總動員購入五,六手IBond,這樣可保住你手頭上的錢取回通漲利息,這一筆己保值.以後再儲便先放入銀行,看定啲再作打萛.買股票一樣有風險,入市不合時一樣會有損失,即使一,两次給你賺到錢,你會心雄,越買越大.到頭來得不償失,不要說自己保守,這是穩陣.