新高中的ICT一問(20分!!)

我係中五既，姐係仲未完高中，但ICT課程差唔多完，都可以俾D意見你既...
題目一：
其實就我個人而言，ICT學既野大多係一D基本既電腦知識(當然要記下野啦)，佢有唔少題目都係延伸出黎既(例：如果某某用左XX圖表有乜好處？有乜唔好處？其實可以吹出黎，只要合乎常理 =_=)
我個人認為「基本程式編寫概念」難D之外，其他都ok，同埋好多都係要記既...(我用中文覺得ok，唔知你用英文會唔會難D，因為「電腦系統基礎」果類記野類既野D名詞比較專科)

題目二：
其實初中D野同高中D野都有少少關係既(係少少咋)，仲有就係我間學校高中讀ICT甚少接觸到電腦，通常齋講書(只有某幾個單元會用電腦)，正如考DSE果陣都唔駛考用電腦咁，我覺得可以接受，但你要接受下上堂聽書囉(有時其他科既人都成日以為ICT會用電腦...其實好少用...我講緊我間學校)

題目三：
我覺得ICT唔駛點計數，不過要記下式咁囉，其實用計數機就得架啦，但佢會教你白手計二進制,十六進制咁囉，唔駛咁擔心

題目四：
其實我都有問過老師，大學好多科都關ICT事，好多野可以揀，如果你將來都想向電腦果方面發展，就應該讀ICT啦，因為打左個底讀上去會冇咁辛苦

題目五：
其實而家係好需要既，ICT既人唔係咁易請而且人工都幾好，我個人認為學校、公司或者好多地方都會用到ICT既人，讀完出黎唔駛驚冇野做既

完全唔需要擔心，因為我都係女仔黎既，讀ICT唔關男女事既(但真係好少女仔讀 =_=)，如果你真係有興趣就讀啦，但要諗清楚先呀，因為同你想像既應該會唔同架，加油啦！希望幫到你 :)