好辛苦好難受呢種日子纏左我好耐一路未好過

好辛苦好難受呢種日子纏左我好耐一路未好過
中4中5 2年受到同學言語欺凌 2年過得好辛苦 呢種日子我成日逃學 無心學習
我自尊心好大冇同任何人講過 自己忍住忍住等佢過左去
因為咁我自我價值越黎越低我怕去識人變得更少同人講野 更加自閉 中4到宜家畢業後3年 呢5年裡
我一路無朋友咁過 電話幾乎永遠唔會響 我以為我去打工日子會好過返 畢業後3年裡 我做過3份工 加埋做左唔夠半年
我以為我唔會受到中學時期既野影響 但事實係件事潛移默化影響緊我 始終無法同人打好關係 我選擇辭工
呢3年過得好快 我差唔多日日訓住過 好抑鬱 無任何精神振作既力 去做任何事 身體越來越差 覺得自己會衰竭而死
我唔知自己可以做咩 facebook我都停用左 每當見到人地既貼文就覺得佢地生活好充實多采多姿 而我就一無所有
越來越唔敢出街 越來越驚人 越來越覺呢個世界好不堪
我唔明點解我少講野就會比人欺凌 當初因為比人串我 我唔回答亦都冇理 有人話你唔去理佢地 佢地就會冇引
但事實係點??你唔理佢地 佢地就越來越過火 慢慢以'自閉'既形容詞去攻擊你
我成日同自己講,別人惡意去推倒你,你能如何,你總不會因為這些人而難受,雖然我有咁諗
但我始終無法走出陰霾 我一路去壓抑自己 搵d快樂既野去做 去打機麻醉 日子一耐就無再打 覺得自己好廢好無用
我好憎我自己咁廢 成日掙扎矛盾中咁過 我本來都唔會同人講哩d事 或者我真係'自閉'
直到前晚半夜扎醒左抑鬱又起,難受到無法再訓我諗到去打開門口跳落去,我無咁做到 但我已經怕自己既諗法
之前諗自殺都係諗下就一笑置之 而前晚半夜我係諗得好認真 真係諗住一了百了 我已經就黎頂唔住
我真係只係想有人幫就算一句安慰說話都好 真係想有個朋友可以放心咁去講野
please pick me up