會計系咪好忙

其實忙唔忙唔係睇會計呢個職業, 而係會計所屬的行業.

每個行業都會有會計, 即係話會計的工作忙唔忙好視乎個行業的需要.

比如話, 零售業每日都有好多交易(客人買野的次數), 零售業的會計就要清算每日積落黎的Invoice, cash 甚至係credit card transaction. 如果係批發的, 售賣的次數相對少而每次的貨量比較多, 因為大部份都係批發客人. 咁Invoice, credit card transaction 呢類的單會唔多, 但係就要做好credit control (因為客人為月結), 同埋stock take. 好似地產業的話, 就會係銷售同成交的時候比較忙, 而平日比較清閒. 就算audit firm, 都有季節性的. 一年總有幾個月會特閒d, 平日就比較多出Job.

所以, 其實每個行業都有佢的特性, 需要都唔同, 唔可以咁樣比較.

但當然, 如果係會計的話. 每個月的月尾總要趕埋數, 邊個行業都係架啦~

至於入職人工, 都好睇你個學歷. 如果係普通High Dip 出黎, 會計文員大約7-9千啦. 大學畢業生, 應該都俾到9千至萬一既~