cccu城大副學士面試一問

雖然我唔係in雙語傳意, 但我都可以分享一D我in CCCU 既經驗

如果你係放榜後先去 in CCCU , 請務必確保你既八達通內餘額有$150 , 因為面試既費用係用八達通方式付款,校內canteen 係不設充值服務,如果餘額不足,麻煩你出去又一城,返九龍塘MTR再黎過,亦要再排過隊(聰明既你,應該識做啦)

首先, 係 in 之前,佢會叫你填一份一頁紙既英文問卷 ,填好係要交比學部既接待處,因為收到問卷後就會面試,所以係面完試後先交

其次, 面試係4 對 1 , 即4個人一齊 in, 佢會輪流叫你英文自我介紹 ,然後英文問點解想揀呢科/將來想做咩 ,之後係基本邏輯題 (中文問,中文答, 注意: 答案係唔計表現分!!!! 但可能有印象分==),因為我係報應用科技學部,所以唔肯定讀語言學部會唔會問邏輯題, 但你留意下D時事會比較好 (例如關於語言的差異/熱潮/潮語之類)...

成個過程其實好輕鬆,好似"傾計"咁,好快就完, 如果你表現好就會好快收到取錄信(即offer) , 如果表現只係OK (類似後補生),會晏差不多一星期收到電話,叫你返CityU AC2 既所屬學部拎offer,同準備交學費

重申,以上係我上年 in 應用科技學部某科既親身經驗, 未必同語言學部100%一樣,不過都可以拎黎做參考