f3選科問題 好猶疑

你想讀就讀, 何需理會別人眼光? 不過, 你其實知唔知道會計, 銀行, 物理治療,護士係做乜? 點解想做? 唔好只係聽某人話呢行有人賺好多錢, 中學學過有興趣就以為大學一定係. 例如中學BAFS會計只係學下做財務報表, 基本管理會計, 佔大學會計好少. 但大學會計係讀standard, cases, 條例, 寫字多過計數, 同中學係剛好相反.

BAFS會計同數學並無關係. 其實會計最重要係明個概念, 你一明白個概念同多做題目了解做法已經得, 你唔明死計爛計即係無用. Econ就要你學一堆理論, 讀完又要理解又要應用. 你試問係唔係一個能夠好理解理論的人?

中學讀Econ定係會計根本出路分別不大. 難到你讀完中學econ就識經濟分析同識金融? 讀完BAFS就可以立即做到會計師? 管理實習? 大學讀商無要求中學讀過商, 商科比較著重語文及數學能力. 銀行工其實唔理申請者大學讀過乜, i-bank請過工程畢業, 大銀行請過讀英文做管理見習. 做會計師樓既, Big4甚至大學讀乜都會考慮. 我interview時遇過讀chem的學生. 大學唔係讀會計唔緊要, 出面已經有三個月速成班, 讀完已經可以考會計師公會專業試.

大學讀護士及物理治療會建議學生bio合格, HKU護理甚至要一科理科合格.

建議你認真了解你想做既工作, 了解理想同現實有無出入, 每科要讀乜及要求, 好過你入U同出去做野先去後悔.

我覺得你要諗清楚你係想做會計定物理治療
如果會計可以讀Econ 可以唔讀 (不過BAFS 一定要)
物理治療既話建議讀多科理
最好Bio+Phy, 但Bio+chem 都ok 既
如果真係無興趣咁你要諗清楚係咪想行物理治療呢條路

所以as conclusion
我覺得Bio+Phy/chem+BAFS 既組合係最ideal
但如果興趣行先，就 Geog Bio BAFS 啦

geog 我唔係好recommend, 因為同你既夢想無咩關係
而且我覺得2理一商 or 2商一理對你既未來會好d

希望幫到你 :)