倉務工作環境一問

有濕疹岩唔岩做倉? 要睇你做咩倉囉 因為唔同地方既倉,工作環境都有唔同

例如我之前做過
電子倉-[電子零件] 工作地方有冷氣, 冇乜塵,幾舒服的
電器倉-[小型家庭電器] 冇冷氣,勁多塵,夏天熱到死!而且有小強 地方有D臭
電器倉-[大型家庭電器] 冇冷氣,得D大牛角扇,冇乜塵

工作內容又係要睇你做果間倉而定
我做果間電子倉 人手比較多,一入行就要學做分流 D貨會一件件咁送到黎就用機
掃瞄條碼入機,然後將佢放入唔同既箱入面, D貨黎得快時做到唔停手

電器倉 小型家庭電器 人手小,乜都要做,D一大板既貨送到黎你就要用手唧車拉去指定既地方,因為個倉好細所以要拾得好靚先放得落D貨, 有須要時要拆散原本果板貨去拾好佢, 有時須要點貨寫低D型號同數量

我所知既大致上係咁
你如果做D冇冷氣又多塵既倉,咁你隻手D濕疹 可能都幾辛苦下

我做了廿五年倉務員,做倉務員是很簡單的,首要條件是要細心,有力,不怕辛苦,
工作大至上是收貨,點貨,再入倉儲存,執貨,安排運輸送貨,點貨,盤點,整理貨倉齊
整清潔,如果是貨倉文員還要將出貨和入貨資料輸入電腦。

有手有腳就可可以。

倉務工係勞力搬搬抬抬，上落貨架，跟車送貨等等。

詳細要你返工先知，唔係個個老闆都有良知，睇你命水。