倉鼠生日食咩好?

我一向係金魚街買開鼠鼠同鼠鼠食物，果度差唔多間間都有得買。 (我去開有五間，包括 "寵物便利"、"龍貓樂園"、"紅蘿蔔" 同有兩間無留意個名。一間係正"紅蘿蔔"對面，要上樓梯，另一間有個牌寫住 " I (心形) rabbit" ，不過唔肯定呢個係唔係店名。

售價我冇特別留意，因為冇諗過買。印象中"紅蘿蔔" 好似係 $33一包，一包大約有十粒。

會唔會肚瀉視乎鼠鼠的體質同食物的份量。正常情況而然，專為鼠鼠出產的產品鼠鼠當然可以食，不過亦可能有以下情況。

份量太多
我有買專為鼠鼠而設的生果俾鼠鼠食。初養鼠時，一開始俾約半平方厘米。見鼠鼠好鍾意，有一日同佢沖涼佢又好乖，就俾咗三粒 (即三倍) ，弟二日佢就肚瀉。肚瀉期間絶對不能再食，佢二日度好番，之後慢慢食番就冇問題啦。不過養鼠耐咗，知道的野多咗，就會再小心啲。因為就算冇肚瀉，生果糖份太高，對鼠鼠係唔好的。果啲果凍其實都係濃宿生果汁啫喱，小食為妙。順帶一提，其實鼠鼠最愛吃同市面都很常見到的瓜子，鼠鼠食得多會易生腫瘤，所以都盡量唔好俾太多鼠鼠食。平日最好食主糧再加啲生菜蘿蔔 (幫助消化) 同小麥 (等有營養的食物) 最好。

不過如果係做生日，一年一次應係冇問題的 (總之唔太多食就得)，除非個別鼠鼠對果樣野食敏感。片中所見，果度應該係半粒 (一粒就同人類食果啲粒裝啫喱差唔多大)，再加啲野 (我見到有瓜子、同西蘭花) 係上面裝飾。 如果食咗發覺有唔妥，就唔好再食，同最好睇醫生。

仲有一點，我諗你可能都知，不過以防萬一，我都係提一提啦。鼠鼠只可以食專為鼠鼠而設的食物。好多人會將人食的野俾鼠鼠食，咁係錯的。即使同一樣食物，例如蘋果，鼠鼠食的係特制乾身的，因為鼠鼠有儲存食物入頰囊的習慣，未制過的有水份食物會變壞，鼠鼠食咗變壞的食物會肚瀉。另外變壞的食物留在頰囊可能會使鼠鼠頰囊發炎，甚至化成頰囊腫瘤的。

好開心遇對又一個好主人。睇得出你對鼠鼠好好。段片入面果隻鼠鼠好可愛，都係一隻幸福的鼠鼠。 個果凍蛋糕真係好靚，不過我都未必會俾鼠鼠食，因為怕糖份高。 [ 另外呢點只係我個人的擔心，唔知係係真係會。我怕啲果凍溶咗係鼠毛到鼠鼠自己同沖涼沙都未必能夠清理好。用水會好易另鼠鼠生病 (如非必要，鼠鼠係唔可以濕身的) 唔用水又怕唔乾淨會另鼠鼠有皮膚病。以前有個前輩叫 杰 的對鼠鼠好有心得，我都有好多野想請教佢，不過佢好似 2009 年後就冇再答 Yahoo 啲問題 lu .]


^.^ 希望幫到你啦。大家互相幫助，令鼠鼠更幸福。

1. 鼠店資料~

2332 0938 旺角廣華街1號仁安大廈23號A

2698 9238 沙田新城市廣場第三期西田附近A120舖

2480 6486 葵芳葵涌廣場1/F B08舖

2688 0929 沙田大圍道12-14號A2鋪

2638 0630 大埔新達廣場Level 1, 68鋪

2405 0616 荃灣大壩街49-51號地下

2719 8825 西貢西貢大廈23號地下


龍貓樂園

旺角店

2380 6332 旺角通菜街169號地下

銅鑼灣店

2573 8858 銅鑼灣駱克道539號1/F

寵物便利店

2308 1799 旺角通菜街144號地下

2. 果凍~~~$4-$10
3. 不食太多. ok
4. 倉鼠可食用