好驚有左呀><!!

(雖然文字好長，但請大家睇完之後比D意見小妹><!)

我不嬲經期唔準，最快1個月，最耐半年，但通常3個月一次

一個月前，有日我同男友...佢冇入去，都冇扯到好行，只係係陰道口磨擦左幾下，估計有少量精液流出，事後佢用紙巾抹左幾下

幾日後，我地為左考試，通左幾晚頂，壓力超大，大到有D想喊，又成日夜晚九點後先食晚飯，又再幾日後，我開始一食野就想去wc大便，但呢個情況只係維持左一星期左右

最近，我大食左(其實不嬲都大食)，腹部脂肪多過以前好多(不嬲都有肚腩不過冇咁大)，又有試過心跳紊亂同抽筋，唔知同通頂同遲食飯有冇關係呢？

上兩個禮拜我地考完試，我開始晚晚煲劇煲到兩三點(明明眼瞓但就係想煲)，第二日點幾鐘先醒，我之前最遲都係十一點前就醒，明顯瞓多左，同埋醒左冇耐又再繼續瞓，一瞓就又瞓多幾個鐘

呢幾日我發現肚腩又大左，仲成日屙軟便，未屙過D正常既，又有頭痛，喉嚨痛，咳嗽呢D感冒症狀，仲有頭暈、發熱同心口翳悶

上網睇過人話懷孕10幾日之後陰道會有少量出血，但我冇出，而乳暈貌似大左少少少少少...(可能同佢吸我乳頭有關掛....)，冇特別想食酸野，會成日眼瞓但唔係眼瞓到咩都唔想做(例如有劇煲就唔想瞓)

我真係好驚會有左= =我男友話陪我驗，我又冇膽又唔想去e院，佢話無論我有定係冇，假如有既話想留定唔留，都會尊重我既決定，但我睇得出佢唔想咁早就要bb，如果我決定留bb，佢就話要見我家長解釋下成件事同埋會負責

點算好呀><懷孕症狀似似地，我想知道我既情況懷疑機會大唔大><
請各位比D意見我，我需要支持!!