好掛住一個人

成件事係甘ge，有D長，希望大家吾好介意。
有一個男仔，我識左佢都有兩年，因為我地都係跳拉丁舞，所以都有D身體接觸，但開頭都無咩感覺（因為我同佢都好少機會一齊跳），但後來，我多左機會同佢跳，慢慢開始有D感覺（我吾知算吾算係鐘意），我亦都吾知佢點捻我。
但大半年前，我轉左去第二間studio跳舞，但又吾係完全無得見佢，因為一年有四次比賽，佢都會參加，我每次比賽之前都好期待見都佢，但又擔心佢已經無跳舞（吾會再見到佢）。
每次比賽ge時候，我見到佢，我內心雖然好開心，但又吾知講咩好，如是者，已經錯過左幾次機會。而且，我上次見到佢同第二個女仔一齊比賽，仲要攞埋獎，果一刻，我雖然鄧佢開心，但個心都有d吾開心（因為佢拖住第二個女仔）。
依家，我夜晚有陣時掛住佢會喊。
到底，我係吾係鐘意佢？
佢到底有無鐘意過我？
我再見到佢，應該講d咩？
我好想問佢攞電話，但又驚太唐突？
點算好？我依家好煩。
請大家解答我，我會好感激你地。