真係想放低佢...

我係一個F.3既女仔，其實我六年級個陣已經對個男仔有好感

升上F.1之後，佢同人地講中意我，之後就有d尷尬
呢3年黎都冇咩同佢講野，變成陌生人咁既關係...

不過生疏之後，我先開始發現自己係幾咁重視佢
我唔明點解我地會變成咁，不過我自己唔敢面對...

所以，就一直拖落去....

到左而家，我見到佢，好似冇以前咁緊張
就算擦身而過，我心跳都唔會好似之前咁快

但係四目相投個陣，我真係會好怯...
佢生日個陣我sd左個message比佢
雖然只係一句簡單既"thx" 但係我開心左成日...

睇黎我始終對佢都係有d留戀...
見到佢，成日人就會一片空白，諗唔到野...

表白都唔係冇諗過，只不過表白完又可以點呢？
其實我唔想拍拖，寧願慢慢放低，總有一日會得到解脫
如果問我會唔會後悔，我只係知道咁樣係對自己最好..
起碼，壓抑感情，對我成績同心情唔會有太大影響
相反，佢拒絕我既話，我好可能會一蹶不振...

而就算放假，都會一直諗點先可以放下呢段感情
可以肯定既係自己已經冇以前咁中意佢

但係，點先算真正放低一個人？tks了各位...