urgent!幫中二補習英文，應該點教好？

...

如果你要網上既人教你點樣幫佢補習，咁你呢個補習老師都幾不負責任...

咁樣同佢網上搵另一個補習老師有乜分別。

佢學校有無英文學生報？因為既英文學生報其實唔算難，form2已經可以試下睇啦，點會太難= =。而且報紙可以練發音，即係佢未見過果個字但係可以自己拼佢個音出黎。

可以睇英文書，英文書係好好學英文句式既地方，簡單啲可以睇既英文書有Withces，呢本書係睇英文必睇既書，因為簡單易明，而且又唔長。呢個作者其它既書其實都好簡單，可以當娛樂睇下。

上網的話，其實睇好多reading，但係真係好有用同埋好齊全既，都要上網收費登記，所以，叫佢係書局買啲練習比你，你同佢一齊做，reading。

如果係writing就你自己出題目啦。

如果係listening仲簡單，上mytv睇英文新聞，叫佢記低幾多得幾多，同埋講番佢聽到啲咩內容。不過對中二黎講可能難啲，如果你發音好，你可以自己搵Passage讀佢聽，叫佢mark重點。passage當然可以上網搵，外國網。例如WikiHow，http://www.wikihow.com/Main-Page，好多人會share佢地既opinion上網，果啲當Reading睇都好好。

當然你隨便係searcher都打個topic，例如how to eat healthy，咁樣會有好多關於呢個topic既passage。

speaking的話，仲簡單，上堂未必要用英文上堂，因為可能會影響佢既理解能力，但係一定要迫佢講英文，例如迫佢讀passage執佢讀音，迫佢individual respone，例如比題目佢：How to maintain a friendship，咁樣佢就一定要用英文講野同諗野，你就可以執佢Gramma同埋speaking技巧。

仲可以攞一啲social issue用英文黎兩人進行討論。咁樣都可以有效咁改善speaking能力。