我表錯白,咁我應該點算?

你連邊個先係你中意既人都分唔清，可見你對佢了解極有限=_="....

既然唔錯都錯左：

1 - 扮無野，死唔認帳，反正又無人知你同佢表左~

2 - 愚人節快樂！（果日係ABC小國既愚人節喎，你唔係唔知嘛~???）

3 - 真係溝左佢。。。。。。

4 - 大方D講：唔好意思，我認錯人！

5 - 有無睇過少林足球最尾花絮田雞果Part？「幫我將果番說話轉告你呀哥」

btw, 妹妹你幾大呀？個人建議你諗真D係咪真係中意人先好~

既然咁易攪錯，建議你找個別的對象。免得兩人日後一起的時侯，你再度攪錯，變左三人行..........

我表錯白,咁我應該點算?順水推舟一妻多夫(polyandry), 一不做ニ不休, 一於一山容二虎.

同意樓上的意見.

連你自己都未搞清邊位係男主角, 咁你應該都未「睇」清呢個人喎. 咁又或者其實你係send message錯左比人, 又另作別論.

唔使緊張, 我覺得你可以參考以下3個方法去處理呢獲粥, 要採用邊個方法, 就睇你個人性格喇:

1. 如果你係比較怕羞嘅 (睇你都唔係啦), 咁咪唔出聲, 當無事發生過一樣, 同返「啱嘅人」表白咪得囉.

2. 相反, 如果你性格係比較爽朗嘅, 咁咪輕鬆D 同果個細佬講清楚, 其實你係鍾意佢阿哥, 叫佢幫你傳話囉.

3. 又或者, 你想一箭雙鵰的話, 咁你靜觀細佬其變之餘, 又再同佢哥哥表白都得架, 睇下中到邊個囉.

三個方案, 任擇其一.
不過唔包生仔架.

不過說到底, 你鍾意人地啫, 咁對方都鍾唔鍾意你先得架? 如果一箱情願, 你會最蝕低架! 自己諗諗啦!