想開地產舖？

今時今日, 做地產代理生意好似好難做, 政府又好多辣招, 影響到交投嚴重萎縮, 令業界都冇淡好食。

其實, 物業成交的交投淡靜係因為樓價太高, 幾乎所有人都相信樓價會下跌, 事實上樓價都應該有所下調才健康一點, 買層樓一般講緊最小都要幾百萬, 如果下跌1成或2成, 好多人儲10年8年都未必儲得到樓價的下調的金額, 所以, 個個都等樓價跌, 再加上政府的辣招, 令投資物業的人暫時未能消化, 所以交投淡靜係可以理解的。

但情況可以維持幾耐? 施政報告承諾會增加幾多供應? 未來幾年的供應係咪滿足得到需要? 未來一兩年利率有冇上升空間? 況且, 多國推出量化寬鬆政策已經令泡沫浮現, 多國股市也創出新高或挑戰高位! 新一輪資產泡沫已經殺到埋身, 也因為資金苦無出路, 所以, 相信物業的交投也不會進一步再萎縮。

至於而家新做地產係危定係機, 我個人就覺得機會係比市旺進場好, 因為一開門都冇人會諗住即刻會發達, 人人都要打好個基礎先, 做好個招牌都係好重要。

嚮旺市中, 間間大行都坐滿10幾20個Sales, 競爭咁大, 生意額咁大, 在一場惡鬥下, 在大蝦細的情況下, 細A都幾難競爭!

但而家交投淡靜, 望入間間大行都唔見咗成一半人, 一個月都未必開到一兩張單, 收入夠出糧都未必夠交租, 好多都等租約完就棄車以減低支出來保帥, 對新進場者來說選址會有較多更佳的選擇, 而且, 租金也在最高水平中有所回落了。

在淡市進場要預咗冇淡好食, 但如果捱得過艱難時期你就就賺了商譽, 到市況回穩時就已經可以收成了。

當然係機，地產舗執笠多數轉行髮型屋，本少易做，可以考慮。