儲錢成癮, 係咪一種病??

讀書到而家一直有儲錢, 以為人越大, 越多錢用,
反而, 當我收入越高, 我越慳,
人大左, eg. 想結婚, 置業, 都要慳錢,
我慳到一個地步, 連買禮物俾gf 都limit 係1k以內,
拍拖平時出街食飯, 都有d 肉赤既感覺(以前讀書, 未有收入時唔會咁),
當然, 我都照會去食~~

冇拍拖既時間, 反而覺得收入多左,
自己用自己洗感覺好好,
可以控制到budget, 預算得到,
出街同gf 就好難揀野黎食,
每月多用千幾二千我已經覺得好多, (佔收入10-20%, 大時大節會更多),
同家人食飯or 朋友食飯時, 又怕埋單請客,
結婚又怕俾人情, 又唔想做得多,
好似樣樣都唔想洗錢咁…

如每個月洗2k, 某個月洗左4k or more,
洗多左, 個心會好唔舒服,
有時都幾羨慕人地可以做月光族,
Or 想買咩就買咩, 唔駛點比較, 睇價錢,
我買好少野, 都要格到最抵, 甚至唔買….

究竟呢種係咪病態?? 有冇方法去解決??