「好煩」屋企人嫌狗臭，要我幫佢沖涼。

如果狗狗真係有陣味，未必係因為唔乾淨，可能係飼料問題
餵飼狗乾糧，狗乾糧入面多少有味精吸引狗狗食用
而個種味精食左落肚之後，氣味係會從皮膚度出返黎架~
最理想都係餵飼熟肉或者生肉，其次係選購比較好既狗糧

另外狗狗有口臭，未必係口腔有問題
口臭通常既起因係腸胃唔太好，或飼料唔適合佢既腸胃
若狗狗係新養，就要慢慢試糧，睇下邊隻糧適合佢腸胃
大、小便其實唔一定會臭
我屋企兩隻餵熟肉，平時眼見唔到舊ke，根本唔知佢地痾左(因為冇乜味)
尿味可以放尿墊係便盤入面，真係會細味好多~

如果狗狗係咁R痕，先檢查佢既皮膚有冇紅點或出疹跡象
如果情況嚴重(大面積R到流晒血、有膿腫)，請帶佢去睇獸醫

如果情況輕微，可以試買白醋(eg 亨氏)，再用清水稀釋3-4倍至唔"那"手
然後每日同佢噴佢痕癢既部位約3-5次(記得就噴下吧)
白醋有止癢同消炎既功效，要佢皮膚好返，一定要止左癢先
唔係佢不停R，R到損晒，係永遠都唔會好，只會更差
我隻狗狗以前有濕疹，噴左2個月就完全好返了 : )
睇過獸醫，食住藥時當然好啦，一停藥仲衰過之前(cry)

另外，狗狗如果真係太污糟，其實一星期洗一次都冇問題
洗毛液我選用fido's，呢隻牌子既洗毛液較溫和，一星期一次都唔會損害皮膚
又或者去完街則同佢抹腳，亦可以減少體味

不過請問你隻係咩狗呢？
體味亦都因狗種而異，短毛狗係會大味D，因為長毛狗有披毛cover左D味
同埋短嘴既狗，口水較多，亦會大味D
如果係老虎狗、八哥個D，就真係大味到暈呢~ 而且係冇乜辦法可以解決

其實好多書所講唔一定完全正確 , 幫佢沖涼要睇所住區天氣 同 佢生活情況來定.
香港天氣 因為太過潮濕 , 一般來講狗狗皮膚好容易 唔夠干 而引起皮膚病 .
假如狗狗身上有屎屎尿尿 唔去沖 , 會因為細菌 搞到皮膚病 睇獸醫 手尾長 , 而且醫藥費貴 , 你又辛苦狗狗又辛苦 . 狗狗正常情況一個星期幫佢洗一次都係冇問題.最緊要睇睇 沖涼液而定 .

佢R 其實有幾個可能 , 第一 佢食緊狗糧唔適合佢 , 引到佢敏感 , 所以佢R . 第二個可能佢皮膚 潮濕 或者之前沖涼吹唔干 引致佢皮膚唔舒服 所以佢R . 第3 都有可能選擇洗毛水 太干唔舒合佢, 第四 就可能係因為HI 到D 大小便 , 有細菌係皮膚 ,佢唔舒服 所以佢R .

第一個可能性的話要幫佢轉狗糧 ,因為某d 狗狗對飯敏感 , 感對羊敏感 , 牛敏感 . 所以最好幫佢選擇 無飯 狗糧比佢比較好 . 再慢慢試過會唔會對 羊敏感 , 或牛敏感 . 咁我隻狗狗食開 EVO , 你可以上網搵搵其他相關狗糧.

其他幾個問題 沖涼可以解決 ,但必須選擇一D 比較好的狗狗沖涼液 , 以你狗狗皮膚情況 必須必須吹得好干 .

我可以介紹一個自已用緊非常之好狗狗沖涼液 Plush Puppy 係澳洲出 , 我之前有用過其他牌子 , 因為我本身皮膚敏感 一比較之下就知 佢一d 都唔傷皮膚 , 其他沖涼液 用完手皮膚超唔舒服 , 狗狗皮膚比人皮膚更加敏感 , 所以人覺得唔舒服 , 狗會比你更加唔舒服 . 你可以試試 . 好多人話呢隻沖涼液貴d , 但佢一比十咁用, 我覺得都ok 著數.

1星期系可以沖1次嫁.."成日痕1定要同佢睇醫生..."

你咁嬲.我都明"我隻狗系我自己拎返泥..屋企人都講明要我照顧..
但有時我都好嬲..玩果陣你地就同佢玩.得閒就玩下..執便便又冇人幫我"
我話玩之前要洗手.就好似不滿咁..玩完又話狗狗有味又話搞到痕"
可以我都想幫佢沖..但醫生話唔好沖..
但我都明白..系我自己拎返泥就要自己搞返好..只系我唔鐘意咁話狗狗同我.."但其實睇得出佢地都錫狗狗"
可能你屋企人想你大個要獨立下.咩都自己泥"又驚你照顧得狗狗唔好.講呢d野提下系咪要沖涼..其實咁樣第時更開心"狗狗真系你1手湊大..
假如你屋企人唔鐘意狗狗就唔比你養啦^__^
依家我屋企隻狗bb得2.3個月未沖過1次仲臭啦"QAQ

我隻狗都係一個星期沖1次!都沖左5年啦,到而家都冇事!
甘其實隻狗係你拎返黎定屋企人?
如果係你,當然你係有責任自己1個做曬!
其實隻狗r痕有可能係皮膚病,你有冇同佢睇e生呀!?
口臭,哈!隻隻狗都係有口臭啦,你可以比d潔齒棒佢食黎減輕口臭問題!

係咁煩架﹗又係你話要養，咁而家你想點吖﹗