自動波無D波??

自動波真係好呀，司機可專注多D路面情況

一般自動波P,R,N,D,L，你的車3.D即D波，用低波時可試吓2同L的分別再定其性能

落斜時都是建議用L波，e.g.由彩虹入西貢，經壁屋後落斜，用L波，如太慢改2波，但不可用D波，因會衝得太快

問題1
如祗停燈位，可不用N波，甚至不需拉手掣，因車在起動狀態，起步時，放BREAK，俾油就可以
(正確及嚴格汽車駕駛守則是要踩BREAK, 拉手掣入N波，轉紅黃燈時入D波，車有"震動感"，放手掣(仲要望左右鏡)，放BREAK後即俾油行車)

問題2
我都話自動波真係好呀，正如你踏BREAK一樣，架車唔行，但唔會死火。
如果你係都要俾油，最壞打算就是個手掣損壞
車嘅性能取決車齡，車太老上大斜坡時唔夠力，是會令車死火，不過重新着車匙又行得番!

祝你安全駕駛，路路暢通

你這個波箱稱為"3前速"自動波波箱；另外，市場上大多私家車會有"4前速"波箱，是會多左個E段波，或稱為慳油波(即第4個波段；以前D波段是可自由跳上第4波)。
L波=低波(Low簡寫)，又稱第1波。波箱不會跳上2波或以上。
2波=其實都算是低波效果(與手波比較)。波箱會根據情況而跳上2波；只會在1、2波間跳動。
3‧D波=這是"3前速"自動波波箱之全功能波段。波箱會根據情況在1、2、3波間自由跳動。
N波=中立波，波箱會與尾牙分離(即等如按下了離合器)，這時部車會自由溜動，方便推車。正常我們不會使用。
R波=後波。
P波=Parking，即泊車波；泊車後可鎖著尾牙，令部車不會溜後。現在通常更會一齊鎖著部車之軑盤系統(在部車拔出車匙後幾分鐘)。

你當然可單使用3‧D波，應付所有道路環境；但如你了解左自動波箱之跳波方式，就可更好、及更有效地控制部車。例如落斜，你改用2波或L波，就可不用踏剎車。
基於你部車只有"3前速"波箱，並未有SPORT模式；要加速時，可降低一個波段，就可強制引擎加快轉速及馬力，達到加速效果。

1. 一般在路面停車，我們不會建議入N波(只踏緊剎車制而已)，因為這會損害波箱。你會感覺到，每次由N波入D波，你會感到部車Chok一下(這是離合器結合情況；還要1-2秒才完成接合)；久而久之，這Chok一下會愈來愈嚴重，這代表你快要換波箱了。
問題是你換波箱，須要幾萬；但更換剎車pad，則只用1-2千而已。

2. 不會；這就是自動波之好處。
正確上斜開車，就是要拉緊手制，還要使用右腳加些少油(勿用左腳踏剎車，這會學壞手勢；將來有可能出意外)；準備好後，才放手制開車(其實與手波車一樣就正確了)。