我鐘意佢? 定抑或係好感? 而佢有無鐘意我?

我個人就比較少同人講野,即使係同性既朋友都好少 (我是女仔)
我唔知我自己係咪鐘意佢...因為我睇過好多人話咩鐘意人既行為都唔中得幾多...

個男仔我同佢好有緣,同佢同班三年
但係第一年同佢同班對佢都冇咩感覺,仲好討厭佢,覺得佢好弱智,講野又無聊,所以我同佢無乜幾句
其實就算我地同班有三年都好,我都係好少同佢講野,通常佢做主動同我傾計

之後第二年我同佢依然都係好少講野
之後有一次老師編座位佢坐我隔離,我開頭都覺得無乜野,只係上堂有少少困擾
佢成日都同我身邊既女仔傾計都唔會同我講野,可能佢覺得我真係除左讀書真係無野好講←可能佢會當我係成日都係好乖乖女嗰類人,但其實我唔係嗰類

佢有時候會同我講野,之後佢可能覺得同我熟左,有時講下講下就無啦啦讚我嗰類野

雖然我地每講都唔係傾好多句,但係就有時候無啦啦讚我

之後有一次我要脅佢,佢好驚
我唔知佢係我後面做咩,我以為佢拉住我唔比我做某件事 (因為我要脅佢)
事後我個同學見到,同我講佢想擁抱我...我即時呆左

第三年既時候,佢坐我附近,我都係對佢無咩特別既野,依然都係好少同佢講野
但係佢都係有時候話「如果我(即係我啦)....我(佢)就可能會鐘意你」等等既字眼
又話咩其實你好靚女呀嗰類
有時候佢讚我好似想刻意話我知,但係我每次都無任何表示or扮唔知,聽唔到

佢有時候同我講佢自己既真心話,(例如「其實我想同你講好耐...」)
但係佢每次既答案都唔係咩鐘唔鐘意我,而係其他事
我當時真係心跳好快,好驚佢講有關向我表白既野...

我不知不覺好似產生左一種好特別既感覺,但我又唔sure係唔係鐘意佢
我覺得自己對住鐘意既人同對住一般無異,都係比較冷靜,但有時候佢講既野會令我面紅 (不過有時某些事我都會臉紅)
而且佢好鐘意同異性玩,我又覺得無乜野,又唔會特別妒忌 (對我而言佢真係成日好似真係成日係度溝女)
我自己有時候就好希望佢留意到我,想佢知道我其實唔係真係好文靜,都有活潑既一面
有時候發夢見到佢,例如同佢一齊做一些事
夢醒之後我又好想知結果,但係又覺得我同佢係無可能

有時候明明佢有需要 (例如借野,我諗其實佢知我有嗰樣野) 但係佢都唔問我借,問另一個人借
又唔會成日主動同我講野啦,可能怕我太正經,講野怕嚇親我
之後佢有時候佢講既野唔想比好多人知 (即係我),但佢又好介意我知唔知佢講乜 (可能怕我對佢既印象好差)

我以前識身邊既人好多都鐘意佢既,我自己就真係覺得佢唔係我杯茶囉
因為我唔鐘意嗰類男仔全部集於佢一身
因為有時候佢做既事好乞我憎,我嗰時真係好嬲,但係我最後都原諒佢

究竟我有無鐘意佢?我自己不過同自己講其實我唔鐘意佢,我可能只不過對佢有好感姐
但係我最想知其實佢係咪鐘意我?因為我呢個感覺都搞左我1年啦...