有關相機牌子

1). CANON EOS
佢既品牌出名既係佢既定焦鏡群. 發色靚, 影人皮膚色調比較討好, 對比度沒NIKON咁大 (NIKON影出來既野有時會過SHARP) , 佢既鏡頭群中有暫時自廠鏡中最大既光圈(F1.0 同 F1.2), 散景(BOKEH)夠奶夠柔和 , 而且比起NIKON, 佢可以對應更多舊式鏡頭(需要加轉接環). 仲有佢有大量強力既移軸鏡群加持. 自家制既USM (超聲波摩打)又快又靜. 介面簡易, 新手好易上手.

不過, CANON佢係對焦方面比較收收埋埋, 如果以同級機比較, 佢對焦點無論係數量和能力方式都比對家NIKON來得差. 另外太忠於單反表現既CANON, 雖然係單反方面係龍頭大佬, PDAF(相位偵測對焦)雖然超群, 可是CDAF (對比度對焦, 即係DC用開哥隻對焦)方面能力遠不及其他廠, 所以LIVEVIEW實時取景時既對焦能力可以話係差來形容, 佢雖然最後都出左無反EOS-M, 可是因為其差劣既CDAF而大大影響消情....CANON自家廠制既CMOS比較偏紅, 影人時就比較紅潤好睇, 可是影其他紅既部份店比較多既野時佢常出現爆紅既情況.

2). NIKON - D
另一家龍頭大佬, 佢出名既強力既超廣角鏡群, 低變型, 銳利度高, 同埋比同廠自家鏡中有更廣闊既焦距 (NIKON有支14-24係CANON人好希望會出既鏡...) , 對於喜好影風景既朋友佢係會令你愛不惜手既機鏡. 另外係微距鏡頭既選擇都多好多, 配合佢良好既對焦系統, SHARP既畫質, 佢真係會令你嘩一聲, 佢既機既按鈕配置既多又專業, 對於沒用過既人可能會難上手, 可是上了手的人就會覺得十分方便.

不過NIKON鏡高階既價錢真係好貴. 無也, 佢既用料同表現真係值回佢既價錢, 有部份朋友講過用NIKON機影人像有時候會因為佢地太SHARP而唔太好睇, 要回家後後制去令佢無咁戒手.....而且佢既色比較偏向比較青, 係影風景或非人既身體時唔覺, 影人時會比較不討好, 不過這可以以後制解決. 另外自己無生產SENSOR, 要經SONY買CMOS SENSOR,

3). SONY-ALPHA
第三大單反機廠家, 原先既KONICA-MINOTA, 最後由SONY收購了其相機部門變成SONY ALPHA, 雖然話係第三大, 可是其實DSLR用家占既比率唔高....為了係C/N兩家廠中突圍而出, 佢利用了CANON放棄多時既技術 pellicle mirror, 利用自家電子技術既優勢造就了新系列DSLT線.
半透鏡再配EVF, 除了可以得到實時取景同對焦之餘, 對於連續追焦佢都有好大優勢. 佢都可以係拍片時連續使用PDAF, 呢方面係C/N既DSLR比唔上.

不過鏡頭群比較單薄, 雖然都算齊,而且佢有出名既蔡司(ZEISS)鏡頭加持, 可是同C/N比都仲差好多 (特別係長炮, 而且佢地無移軸鏡, 微距鏡頭又小....).....另外半透鏡有將部份光反射開既唔好處. 比其他單反, 佢既CMOS接受到既光更小, 雖然可以係ISO度做手腳令佢暴光正常, 可是這樣噪訊方面一定比較多, 而且會有輕微地影響畫質. 這是SLT的唔好處. 以前SONT-ALPHA既機, 鏡係單反來講算平, 吸引唔小價錢不夠既人買, 可是前幾年大加價之後已經沒這事了...

4). SONY-NEX
SONY-NEX係SONY既無反系列, 係見到M43既成功之後搶先開發既APS-C CMOS無反機種, 其細SIZE又有APS-C CMOS既畫質, 另外佢E-MOUNT可以外加轉接環用到大量不同鏡頭, 吸引到專業和非專業人士既喜好. 其空前既成功都令到原本慢慢來試水溫既SONY大大地多放資源落去.

可是SONY-NEX系列鏡頭既光學表現(以現時己出之鏡頭來講), 實在麻麻, 除了高階的ZEISS 24定焦之外, 其他的光學表現可以話不行來形容, 所以有部份高階玩家會選用轉接環配其他牌子的手動老鏡去玩這機......可是除了這個之外, NEX都沒什麼大問題.

字數問題, 如果想知道其他品牌既評價, 請另起問題吧....

簡單直接 , Canon 影人好 , Nikon 影風景好 !
我個人建議買 Canon 100D kit set (18-55mm) , 好好玩 ! 一個字-正 .

相機就唔會傻，除非係壞機，賣得出街嘅相機隻隻都係好，你買唔到一隻唔好嘅相機，要買就買你喜歡嗰隻同埋你買得起，你買唔起就幾靚都唔係你嘅。