拯溺銅章既心理關口...

我係18歲既女仔...上年考過拯溺銅章但因為時間就得吾好搞到撞左考試
因為報左名又吾想吾去,如果上就考完試下就八點幾就開始塔車去屯門考...晚晚游到十點,十一點幾...
嗰陣時就係返星期二,四,六.需然都有時間休息但隔日就要去練水真係好痛苦,我好記得我搭車從來吾訓教因為好無安全感...但係次次練完水我一坐底都會即刻訓着,倦到傻左...
需然係倦但都想頂埋落去,因為啊Sir鼓勵我叫我去,但其實我連水試都過吾到...唉~但因為我係入面唯一既女仔水試差少少而我又全程無停嗰Miss教練就比我繼續跟住練同班男仔練嗰嗰都有好深既底子次次游熱身圈都快我兩三個圈搞到我好緊張上到第二三堂嗰陣突然間練池邊上水...我哋一直都係深水區度練教練話要做來回幾次但我做到第二下以經開始無力因為一開始個熱身圈已經游緊六百米游完就以經好累
去到第四堂熱身以經加到900米...仲要三個泳式去游去到嗰個位我以經好倦好倦...之後堂堂都望住嗰鐘等落堂...
去到第五堂我终於頂吾順同教練話我吾練嗰陣我行出屯門游泳池去到輕鐵站最擔心既吾係啲咩退款而係吾知點同啊Sir交代,但係同時我又成個人放心曬好似雨過天睛咁.
最尾我等左成晚,第二日先敢打比啊Sir同拒講,好彩拒無鬧,仲問我會吾會之後再報過...我嗰陣無答拒因為吾敢再去.
呢排因為畢左業所以得閒左...就成日唸返啊Sir嗰句說話,想再去挑戰但又克服吾到自己既心理障礙...點算好?