有關收樓令

果張確然係收樓令.你輸咗小額錢債無還錢,法團就去區域法院申請收你間樓拍賣嚟填數.答你問題:1. 錢你就一定要俾, 否則佢可以收你間樓拍賣嚟填數.至於是否要俾足$75000,我睇就差不多,不過即管同佢傾吓…本金 ~無得走.小額錢債申請費 ~70蚊,俾佢啦律師費 ~ 做文件、上區院、揾執達再加法庭 / 執達費用,三萬五蚊無走雞.唯一可以傾係利息... 減得一千得一千...2. 執達吏上門收樓, 租客無得唔搬,除非租客攬住罐石油氣一鑊熟…3. 你要賠錢俾租客, 包括餘下租約租金及佢搬遷費.4. 你唔可以要租客賠償. 佢收埋你d信係佢唔啱,但法律上佢無義務俾d信你,而且一般業主會一星期去物業收一次信或安排郵局轉派.你無做,好不幸後果只有自已承擔. 至多租約完借啲意扣佢按金踢佢走出番啖氣...5. 你自己搵律師做乜? 區院都出咗possessionorder (收樓令), 你一係俾錢, 一係俾佢收樓拍賣. 搵律師幫唔到你,重白白使多筆律師費.6. 好不幸, 今次真係你疏忽, 你無得撐. 法團唔係無通知你夾錢,亦唔係無追你錢.法團無義務拍門問單位佔用人係業主定租客、收唔收到信...租約亦無寫明租客要將業主d信俾業主,所以今次只好當係破財消災...個人意見: 快d聯絡法團個律師, 扮死狗話收返嚟啲租供哂樓~你無錢賺,而且大家樓上樓下,通融吓唔好收利息,試吓$55000搞掂佢得唔得...

Morris 網友說得對，事情遠遠未到收樓令！
租客提到的應該是執達吏要求佔用人遷出然後查封的命令！查封的目的當然是逼令業主現身和償債！業主欠立案法團錢，豈能如此輕易便取得法庭命令收樓？要法團先成功將該欠債業主申請破產，才有機會要求充公物業作抵債！要到這階段需要經過漫長的法律程序！業主是不會毫不知情的！

不過撇開名目不談，則 Alfred Yiu 網友提到的解決方法亦是正確的！

還有一點業主不能以收不到通知信作為拒付或延付的理由（雖然這可能是事實），即如車主不能以借車給別人不知情而免去交通意外後被索償之責！

究竟你係咪業主？

如果你係業主, 最多咪比人釘契，冇理由會比人收樓？

不過你咁鬼孤寒, 比得5點, 咁唔專重解答的人, 所以冇興趣答你。

上星期19/4收到租客通知，門口被貼上給佔用人遷出通知書：依據法庭就上述訴訟發出的收樓令，要佢26/4前遷出 本人建議： 第一步：你先到(發出收樓令的)法院，申請暫緩收樓令。 律師話要我比$75000左右，包括本金+利息+小額錢債申請費+律師費 第二步：與對方討價還價： 本人認為：(1)追討本金$20,000+利息；(2)小額訟費；(3)是次收樓程序的訟費；(1-3)總數加起來，根本與$75,000差很遠。(即使加第(4)條數(因不是判決訟費，議價空間較前者大)，法團根據大廈公契追討合理的追討費用也與$75,000差很遠。) 因此本人認為：(1)追討本金$20,000+利息<$21,000 (2)小額訟費<$500(3)是次收樓程序的訟費<$8,000 (4)$<$5,000 合理的總數<$34,500 建議以此數目向對方律師討價還價 或先可考慮取得有關判決，即小額的判決及收樓令的判決，先確認有關判定的訟費金額。 以上兩步，可自行或請律師代辦。不過請律師費用約1萬，加埋所需付款總額與對方要求的$75,000不是差太遠，所以…..建議你自己HANDLE….. 執達吏上門收樓而租客唔搬點算？執達吏報警都要趕你租客走以執行收樓令。 租客可唔可以要我賠錢？而我又可唔可以要租客賠償？ 呢方面，你要問律師確認。因為租客該有責任及時(由法團要求夾錢發出的信起)把信件轉交予業主。

2013-04-27 12:29:42 補充：
同意peterchan的意見，尤其第4點及同對方律師討價!

補充一下：

視乎談判情況，如非得到對方律師肯作undertaking 會指示執達吏暫時擱置執行收樓令，否則應先行去法院申請暫緩執行。

2013-04-27 12:37:51 補充：
始終第4條數：所謂律師費，因數額只是由律師提出，並不是經法庭評定，因此議價空間較大，因此討債時嘗求減低此部份。

2013-04-27 12:38:36 補充：
討"價"時，不是討債時....打錯...