有關canon 鏡頭問題

先講影遠D問題, CANON既APS-C機既最基本變焦鏡就係18-55, 即係你而家呢支, 為左吸引更多人去用唔同既鏡, CANON出左幾支價錢好實惠既鏡, 我地影開相既人就叫佢地做 " 窮人三寶"
** 冷知識 , 靚D哥三支同最靚哥三支, 我地叫小三元同大三元

" 窮人三寶"包括
EF-S 18-55mm F3.5-5.6 II IS (你而家手上哥支)
EF-S 55-250mm F4-5.6 IS (新行鏡約$1600-2000/ 二手$1000)
EF 50mm F1.8 II (新行鏡$800 /二手$500)
中間數字代表佢既焦距, 簡單D講, 數字愈大, ZOOM得愈遠, 愈細就愈廣闊..

你支18-55既最遠端55mm對影演唱會, 如非你坐最前哥幾排, 否則一定唔夠用. 你需要既係一支遠攝鏡....如果資金唔多, 你可以買佢地支EF-S 55-250mm F4-5.6 IS, 你大可以買二手都得, $900-1100應該有交易 , 只要鏡既情況唔錯, 以$900-1100賣返出去都唔成問題, 將來想玩專業d放鏡都唔傷, 支鏡又輕又細, 雖然無超聲波馬達, 但是都算ok快, 畫質又算OK... 雖然色係有DD淡, 同光圈細, 不過錢唔多都無其他選擇 , 佢係budget鏡之中算很抵玩既選擇

如果你BUDGET再多D, 你可以考慮TAMRON SP AF70-300mm F4-5.6 Di VC USD , 行貨約$3300, 佢有超聲波馬達, 可以做出又快又靜既對焦, 雖然光圈一樣都係細, 不過TAMRON有出晒名強力既防手震. 影遠野有好大優勢.

另外, 之後有一句唔明. >>>> 想影下景
如果你話想影下景係影風景 , 多數都係你支18-55就搞店, 不過如果你係想影得更廣闊, 就要用超廣角鏡去完成. 超廣角鏡APS-C機用既原廠就只有EF-S 10-22mm F3.5-4.5 USM呢支 (約$5000) , 一D都唔平呢~就算買副廠鏡唔理靚唔靚, 都要約$2000-3000.

所以如果想影廣闊但資金唔多, 都可以買支WIDE ANGLE CONVERTER裝係支18-55之前, 不過市面唔常見, 要找找. 但是一定比ULTRAWIDE平好多...

睇下幫唔幫到你, 不過我覺得如果你資金唔多, 你存齊窮人三寶就好了.....買二手都得, 好多人都係咁玩, 勁抵玩既選擇.

2013-04-26 11:06:19 補充：
補充一下有師兄講過既問題 , 標準鏡人像鏡等等名稱.

人像鏡只係攝影人多數用呢類鏡去影人像既花名,.... 支支都可以用來影人像, 由10mm至200都可以, 不過通常由35 至 85呢個焦距既鏡中, 佢地既變型控制最好, 成像好bokeh又靚夠奶油, 又相對遠近適中, 所以多人用來影人像罷了.

44mm出名在於, 係同人單眼望出來既視角係極接近(以35mm 既FF機計), 你試一下單眼望出來, 呢個就係44mm定焦影到既野.

標準係由44-85之間, 35mm已經叫廣角. 不過可能因為aps-c要x1.6焦距, 所以有d人已經開始叫35mm做標準鏡......

2013-04-26 12:52:07 補充：
有關no3lunch既講法, 唔夠近你可以行埋啲影, 係正常攝影可以咁講, 演唱會你無辦法行前架啦, 你點都要係你個位影... (而且理論上場內係禁止拍攝....行出去影比保安捉到仲死....)

愈長唔一定愈重, 1100mm既反射鏡都唔夠一支300MM F2.8既重....不過愈長但光圈愈大就一定愈重愈貴....

演唱會理論上你無可能SET腳, 不過對於300F2.8等等以上既重型大炮, 好多時都係落單腳架......當然有IS / VC / OIS / OS等等防手震既鏡唔多唔小有幫助...而且模糊既原因多數以快門速度不夠居多. 細光圈既遠攝鏡比較難係低光環境保持足夠快門速度....

鏡頭的焦距係決定影的公仔大小。公仔小，即係影得闊；公仔大，即係拉得近，即係望遠鏡咁。
zoom，中文叫變焦，而影得闊的叫廣角鏡(wide)，影得近的，叫遠攝鏡(tele)。
你支鏡18mm時可以叫廣角，(實際要乘1.6，即約28mm)
到中間時，約31mm，叫標準鏡，(實際要乘1.6，即約50mm)
再近d，去到44mm，叫人像鏡，(實際要乘1.6，即約70mm)
最近去到55mm，梗係zoom得唔夠近。
最好去到200mm左右，但因為個angle好窄，冇腳架很難唔鬆。
市面好多人一係揀支原廠18-135鏡，比18-55貴多二千左右。
一係另加一支，18-200，有支18-250，有支18-270，廠牌為Sigma及Tamron，各有千秋，其實差不多，你可以網上找報告看。價錢約3k。
好多人叫呢o的天涯鏡，即係一支搞掂，遠又得，近又得。
如果硬要原廠鏡，又唔想太貴，canon有支55-200，好似2k有找。因為遠得，近唔得，所以可能要成日換，f/4.5-5.6光圈較細，iso要調高先得。

問朋友借支 , 70-200mm用 , 因為支鏡好鬼貴 , 平時無物用,太長了 , 但影演唱會 , 它最好用 , 買 or 借 ,自己想 ! 平中最好是 EF 70-200 F4L .

唔夠近你可以行埋啲影，如果行到盡都影唔到先考慮買支長鏡，所謂長鏡都唔會太長，約200-300mm，愈長愈貴，愈長愈重，點會有平，而且將景物拉近，你有輕微震動都會令影像模糊，加上你有先天性手震，非用腳架不可，長鏡加上腳架你就唔使郁，企定定影啦，買前考慮清楚免後悔﹗

去買支200mm zoom
canon網站有