中國軍史問題(20知識點數)

樓主既問題十分有意思。關於明清邊朝強D，我認為無論如何一定係明朝。朱元璋係中國史上少見能力十分高既軍人，呢類專業軍人皇帝係外國較多，中國則非常少，十隻手指都數得晒。不過論中國史上最偉大既軍人皇帝，絕無人能出李世民其右。

明朝既建立十分傳奇，要知道元朝末年其實並不算一個虛弱既國家，當時整個蒙古帝國仍然橫誇整個歐亞大陸，蒙古帝國漢人領域係整個國家最精華部份，朱元璋既明軍係最初並非最大軍閥，係靠朱元璋個人軍事才華及政治手腕，再加上手下幾個當世猛將，如徐達、常遇春、藍玉等先至可以驅除韃虜，光復漢人江山。

不過明朝係南京成立時中國仍然未完全擊敗蒙古勢力，即使蒙古被驅逐離開中國，但史稱北元既蒙古帝國仍極為強大，對明朝有極大威脅。有趣既係四皇子燕王朱棣又係中國史上其中一個最強既軍人皇帝，佢曾經多次親自北征，再加上大將藍玉多次擊敗蒙古，呢個極為強大既帝國先至減少威脅中國。值得注意既係蒙古係西方繼續稱霸多300年，而蒙古之後雖然再多次入侵中國，但始終都無法動搖明朝根基。

明朝不僅消滅強大既蒙古，更多次係朝鮮半島擊退日本既入侵。其實呢幾次戰爭係強弱懸殊之戰，日本拍百年馬都追唔上明朝既軍力，但日本每次動員均有數萬，甚至係十萬之眾，但明朝次次打贏，自此之後，日本最多只可以流寇既形式騷擾中國海岸，但最後都被戚繼光、俞大猷消滅。

反觀清朝，縱觀260多年既國祚，基本上無一場可稱道既勝仗打過。清朝最勁既係即使打勝仗都可以同敵人簽和約。康熙朝打俄國雅克薩城，俄軍已全城被圍，清朝竟然係呢個時候同敵人簽和約！當時俄皇係彼得大帝，佢係西方同瑞典大打出手，對方主將係戰爭狂查理十二世，彼得無論輸贏絕不談判，最終係波塔瓦大敗瑞典軍，令俄國崛起。

關於西方船堅炮利，其實清朝末年已經頗為長進，北洋海軍係李鴻章親自監督下已發展成東亞規模最大海軍，主力艦定遠及鎮遠號係東半球最大軍艦。同時期日本海軍每艘戰艦都較小，而且大部份由英國進口，日本海軍既優勢主要係艦炮射速較快，艦隊較標準化，水手訓練較好。甲午海戰中國海軍其實損失不多，只有兩、三隻艦沉沒，定遠及鎮遠號裝甲從無被擊穿，由始至終都有戰鬥力。本人經高人指點，知道原來甲午戰爭之敗，中國並非敗在海戰，而是隨後既陸戰全敗，跟住海軍雖然損失不多，但中國全無維修戰艦能力，最終眼白白睇住軍隊化為烏有。

講下唐宋朝。唐朝係中國最強大既朝代，原因主要係太宗皇帝李世民能力極高。當年李家係實力較強既中原軍閥，表面上由李淵領軍，佢亦順利成為開國皇帝，但唐軍第一號猛將非二皇子世民莫屬。唐軍幾乎每一場大仗都由世民領軍作戰，佢既最顛峰代表作即係第二次虎牢關之戰。嗰時一樣係三分天下，即係李淵唐軍、王世充鄭軍及平民梟雄夏軍竇建德。當時唐攻鄭，但竇建德北上聯鄭抗唐，三軍於虎牢關決戰，李世民帶領唐軍一個下晝就捉晒兩大帝國君主，一統天下。有咁高能力既人做皇帝，唐帝國焉能不強﹖唐朝初年有極為強大既突厥、吐蕃為患邊境，但兩國從未徹底擊敗唐朝。後來突厥人西進建立強大既土耳其帝國。

宋朝比人既感覺係非常文藝，但宋朝其實只係國土較小，軍力唔算好弱。兩宋夾埋超過300年，對抗非常強大既遼及金從未被徹底征服，宋朝起碼有岳飛此等無敵猛將。對住天下無敵既蒙古甚至堅持左50年，而且南宋抗蒙孤立無援，其中釣魚城蒙軍幾十年始終無法攻陷，有咁神奇既表現已經非常有交代，只係蒙古過於強大，宋朝無法抵抗歷史朝流實在無可怪責。

問題一
如果明朝没給清攻佔
在明末的情形
明朝也不能長久持
人民不支持
官員又離心了
如果袁純煥没死
可能事情好一點
而且到了明思宗時
宦官問題仍在
如果清除所以宦官的話
下場和東漢一樣
其如果唔比宦官讀書
明朝唔會落到一個咁的地步
如果比明朝抵抗
下場應該一樣
因為槍砲威力太大
中國人招架不住
如果由康熙抵抗
可能會打但打唔嬴
最後都要簽約
唔關腐敗問題
就算有幾勵精圖志都冇用
中國人都唔係槍砲對手
問題二
唐朝當然盛世
原因在於
唐朝的軍隊征服了很多部族
當時各部族稱唐太宗作
天可汗以示尊敬
漢武帝北代匈奴
南征百越,開通西域
所以西漢是個盛世
宋太祖為了防止陳橋兵變
所以控制了將領的權力
宋朝有很的作詞家
所以書院林立

2013-04-24 22:12:54 補充：
中國人有槍有砲
但佢搵外國人造
點會強過外國人
本身自己造的槍砲

2013-04-24 22:15:30 補充：
中國原本有機會圖強
但海軍費用比慈禧太后
用左一部分
所以實力没有提升很多
何況中國的對手全是歐洲列強
中國連日本都不夠打
有槍有砲都冇用