大家是否支持政府繼續向中國進行賑災呢?

大家是否支持政府繼續向中國進行賑災呢?唔要現銀捐助, <實物捐助>絕對支持.
上面班官員唔貪唔揾災難財都信得過, 毛主席都會番生捧腹笑呵呵, 一旦錢銀到手, 收埋自用走夾唔抖, 災民話知你, 你死你事.

如果我地捐出去的錢

真的可以用在災民身上

這没要緊

可是問題是中國官員會貪污

既然錢都不是用在災民身上

捐幾多都冇用

根據四川地震以後的經驗

中國官員没有改善

最重要一項

新聞報道的災區

不是重災區

有部分地方無法通訊

才算是重災區

古語有云，世態炎涼，人心不古。想勸樓主，你唔捐錢係閣下既選擇，唔好係度淋熄其他古道熱腸既有心人盡自己一點綿力幫人既熱誠。反而樓主應該攝高枕頭反省係乜野既經歷及教育令你可以變得咁市儈。

小弟好細個時先生時常教導小弟“施恩莫望報”，但有良心既人亦要“莫忘報施恩”。人地有困難，唔幫人都算，仲要度叔唸D錢去左邊，咁唔捨得D錢咪米鬼捐囉！駛乜咁煩﹖想問樓主一個問題，當年日本311地震，你有無捐錢﹖如果有，你知唔知日本政府將呢D善款用左去邊﹖你點肯定捐去日本既錢一定用係災民身上﹖好肯定捐左去日本既錢一樣被嚴重剋扣，情況比中國更嚴重。因為兩年幾之後既今日福島災區附近地區仍有八成瓦礫完全未清理，大部份災區既情況同兩年前意外啱啱發生時一模一樣，彷彿核災就係尋日發生，唔信樓主睇下上個月香港各大媒體既311地震紀念報導。點解樓主唔主動D問下同反思下捐去日本既善款是否被善用﹖

香港真係變左。以前香港人情味濃，社會雖然簡單但大家心地善良，機心少，聽到呢D消息，唔理係唔係同胞都會幫左人先。但呢十幾年就多左好多極端自我中心既人，以膚淺既批判思考彰顯自私自利個性並以此為榮，凡係同自己有關既，連一分錢都同你計足三十六代，否則漠不關心。今日，小弟睇到四川彭勇兄捨己救人既故事，佢為左令搭載自己受重傷兒子既救護車多載幾個人，佢不惜忱誤自己個仔搶救既時間，最終彭小兄弟犧牲左，但佢既犧牲令更多人獲救。睇完呢單新聞，不理是否真確，會否有一刻感動大家既惻隱之心﹖如果有，恭喜你，因為閣下仲係一個人心肉做既老實人。

2013-04-22 23:30:00 補充：
希望樓主唔好逃避問題。你答唔答到我為日本賑災既錢去左邊度﹖日本係民主制度失效其中一個最出名既國家，國家元首可以走馬燈咁換，而日本政界腐敗程度之深亦係舉世聞名。係大陸貪污隨時被槍斃、坐幾十年監、開除黨籍及職務，甚至係抄家，但係日本貪污唯一既下場就係你個仔、孫及女婿將來會承繼你個位，繼續大貪特貪，一個國會議員職位及國家大位可位父傳子、子傳孫，蔚為奇觀。大陸高官想搞世襲制﹖人人唸都唔敢唸。

2013-04-22 23:44:21 補充：
中日兩國政府是否腐敗與大家是否捐款完全無關。多年來眾多慈善機構善款既使用是否一分一毫都無可爭議﹖捐款如覆水難收，捐左出去就番唔到轉頭，亦無法追究用途。有時大家見到不幸既事不聞不問，但始終心有戚戚然，就係因為大家避不過自己既惻隱之心，不忍見人受苦。行善捐款，有錢出錢，有力出力係千古不變既大道理，係我地對自己良心負責既表現。斤斤計較既小人心裡只有無情既效益比盤算，你係佢地既“道理”中搵唔到一絲人應該有既憐憫之情。

2013-04-22 23:44:27 補充：
中日兩國政府是否腐敗與大家是否捐款完全無關。多年來眾多慈善機構善款既使用是否一分一毫都無可爭議﹖捐款如覆水難收，捐左出去就番唔到轉頭，亦無法追究用途。有時大家見到不幸既事不聞不問，但始終心有戚戚然，就係因為大家避不過自己既惻隱之心，不忍見人受苦。行善捐款，有錢出錢，有力出力係千古不變既大道理，係我地對自己良心負責既表現。斤斤計較既小人心裡只有無情既效益比盤算，你係佢地既“道理”中搵唔到一絲人應該有既憐憫之情。