係學校都唔會好talkative,平時都唔會鐘意撩人地玩
d朋友都比較小,都係偏靜個d
但呢個就係我既性格
我已經高中畢業左,到時如果出黎社會,
我又唔知係咩情況,因為我性格比較內向
我都唔鐘意傾計既,有咩咁好傾?
傾計好好玩咩? 我又唔覺...
除非真係傾d有必要既野,或者d我有需要解決既事...
咁我就可以好多野傾
唔係既話...傾乜鬼?
所以呢...呢個社會係要迫人外向...
雖然我未踏入社會,但呢個係我既感覺或者叫睇法
我會覺得呢個社會對我好唔公平囉...
我天生係內向既性格,
我平時都鐘意自己一個人既,舒舒服服,冇人際煩擾或羈絆,
唔錯架喎!
但係出黎社會既話,就好似迫住要同好多人扯上關係
我都唔知第時出左黎做野,我會變成點
不過我只係認同lady gaga,認同好多靈性大師,認同玄而上學,認同心理學等既人或者學說講既野: BE YOUR SELF!
所以我覺得我第時出左黎社會之後...我唔知會變成點...
我只係想做自己...
呢d係我既感受~
更新1:
我係男仔~
更新2:
「d朋友都比較小」 應該係 「d朋友都比較少」
更新3:
從小到大,學校從來教我做個有修養的人 但係,修養呢樣野,對出黎社會做野有咩用? 我覺得社會上會有好多冇修養既人... 你有修養,人地唔會欣賞你之餘,可能仲會比人蝦 真係唔明學校教左我d咩... 我從小到大係學校都係一個好乖既學生 但係我唔知「乖」呢樣野...對出黎社會有咩用... 我真係唔知第時會點 出黎面對唔同既人
更新4:
2013年4月17日的感想: 其實真係好開心睇到你地既留言, 我覺得你地既說話對我係有正面既作用... 我真係好感謝你地 不過其實唔係自己有幾唔開心既, 只係一時有咁既感想, 所以打左上黎 不過都收到好多好好既訊息~ 謝謝你們
