中意個男仔.已經唔知自己想點

咁既, 小女今年14歲, 中三啦
其實我小學個陣已經對一個男仔有好感
但係升上同一間中學之後唔同班好少contact

F.1個陣佢同人講佢中意我 之後一直避我
加上我自己都中意佢 所以更加淆..
呢幾年黎一直好似陌生人咁 ...

其實我都唔係想拍拖 我想專注係學業上先
但係就好似有d野放唔低咁 諗起佢會sad
又控制唔到呢種情緒 有d無能為力既感覺

一直下定決心要放低佢...但都放唔低
可能係習慣啦.
經過佢課室/見到佢會一直望住佢, 打聽佢既消息
但係佢一行過黎我就會避開 ...

話說前幾日我fd話我知佢整我個locker鎖
我locker係佢個個既左3排. 可能佢唔知個locker係我既
但係呢個舉動真係莫名其妙 我都唔知佢想做咩-.-
如果下次見到咁既場面我應該點做

其實一直避佢/少同佢接觸係因為驚尷尬
而且我覺得中三拍拖都冇咩意義
始終我都自問未夠成熟去handle感情上既問題
而且佢係我第1個中意既男仔.一中意就3年幾4年...

但係一直咁落去都唔係辦法 好想做個了斷
我都係偏向放低呢段感情, 有冇辦法可以真正放低?...
表白我係做唔到嫁喇..

P.S 我平時係完全冇機會同佢講野/好少見到佢