在英國考acca在香港的認可性

halo, 我係英國生活十年, 希望幫到你丫=]

1) 我想問考曬acca paper反到黎香港係未又要再考過？

>> 如果你讀accounting 的話, 係可以有exemption 既, 所以可以考少幾份, 以我所知, 係HK 係有得考ACCA 既 (係HKEA 果度可以報, 但都係要自己黎, 佢個辦公室果度都會叫你refer 番去acca 個網, 而hkea 果邊係幫你睇係邊度考同幾時考. 而係英國都可以考, 但係有個concern 就係, 你就算有exemption, 都要考唔少既paper, 同時, 只有6月同12月可以考, 所以可以係你係英國其間完成哂成個acca 既機會唔高. 同時, 你亦要睇番, acca 係要work experience, 3年既work experience加埋一齊先可以叫做一個full acca 既qualification, 如果你只係讀同考, 冇work experience, 都係唔qualify, 所以d人成日話, 最快3年考哂就係咁解了. 考完一份paper 唔駛再考.
2) 我見到有啲人話可以報Icaew，你地有啲咩提議,呢個試考完反到黎香港係未又認可呢?

>> icaew 入面都係有aca 可以考, 我考左佢入面其中2個modules, 但同樣地, 都係要3年既work experience. 而考完hk 係認可既 (至少我公司係考呢個)

>> 好, 答完你既問題, 我就講講我既意見, 個人認為你呢個plan 唔係太可行, 一黎, 如果你本身唔係拎british citizen passport 既話, 要係英國長住同時亦可以考到個試既機會好低, 因為你拎住本bno/hksar 最多都只係可以係英國留半年, 如果你話半年後出一出境再入番英國, 英國果邊都會起疑, 有機會唔俾你入境. 英文班好多時都係short term, 所以唔會出到cas 俾你去做visa, 所以呢個你要留意. 就算你可以留到半年, 半年亦唔夠你考哂咁多份paper, 而因為要有3年既experience, 所以就算當你用半年 (冇可能的) 時間考得哂所有既paper, 你都係唔係qualify

>> 而搵工方面, 係英國都係難搵工, 因為一黎而家英國既失業率都好高下, 好多英國人都搵唔到野做, 而如果你係就咁咩visa 都冇簽, 就黎英國要搵野做, 就算係part time 都好啦, 做野係唔合法的 (即係變相打黑工), 如果俾人捉到, 你會俾英國blacklist, 以後都唔可以再黎英國, 而請你做野果個人都犯左法, 所以好多僱主都唔會take 呢一個risk.

>> 最後, 個人認為, 你可以畢左業之後黎英國旅行, 又或是係上下英文班, 遊學咁 (英國生活指數比較高, 如果你冇工開, 可能會afford 唔到, 特別係london), 之後再考慮係唔係要自修acca, hk 都可以考, 唔會話因為你係英國考所以特別吃香. 番到hk 如果搵到accounting 既工的話, 咁一邊做野一邊考, 加上你既work experience, 咁就會快一d qualify.

希望幫到你丫, 有d咩可以再email我的=]