【中三選科問題】

第一個組合：生物及化學（醫學）

生物有好多野要記，你的背誦能力要有一定的程度。當然，這科也會要求你進行大量分析，如圖表、圖片等。而另外這科也有實驗題和接近日常生活中的題目，只要有一些生物的基礎便能應付。不過要識得運用，因為高班考試的題目係難好多，雖然內容唔太難明，背起來也不太難。你一定要對每個課題的內容溫得很多，而且有透徹的理解和思考。另外，這科也會用少少化學和地理知識，但內容比重不太多。你可能要處理植物和人體中的問題。要勁變通，睇下你答唔答到老師答案的重點。答唔出個字都會冇分，唔係背默課本。

至於化學，唔係人人都岩讀。呢科中三比較簡單，背誦就行。但是到了中四，就如生物一樣處理千變萬化的題目，更考你的題目靈活變通性。抽象同睇唔到的概念時常會用在這一科中，更加要識的是你中三的基礎知識。而實驗也是這科的重要環節，實驗係危險。唔係人人都接受到化學的勁抽象原理。呢科需要用生物、數學、地理和物理知識。計數都有，只不過係簡單計算。但係要背好多嘢！

出路：有前途！你可以做有關醫學／藥劑／護理／健康／環境科學／營養／微生物學／生化等各種大學可供選擇的科目

第二科目組合：經濟及會計（商科）

呢兩科都多計數，科目有少少關連。仲要背好多嘢。經濟主要係講有關銀行、物價概念，對出來的工作很有幫助。中四的經濟科實在太簡單了，有溫書一定高分，而整個課程雖然多，但唔太深，也唔悶。如果你不想選歷史地理（呢兩科都幾好），選呢科也是好的。會計包括商業及財務知識。呢兩科都要求有時事觸覺的體會，對讀通識幫助也有。本人認為經濟易過會計呢科。會計在商業及財務單元方面係多日常生活中的情境和背誦。要掌握概念，喺呢兩科都唔易，因為好抽象。分析所有情境也是因你背誦而起。

出路：呢兩科大學你可以選工商管理或社會科學，不過唔係大學優先考慮的必要條件。換句話說，你想大學做會計，中學讀會計係唔必要的。而大學商科都唔關中學ECON事

第三科目組合：物理和化學（工程）

物理；背誦份量較少，數學概念超多。到了中四係好難的一科，力學同電磁學超難，唔似得中三咁淺。你的數學成績一定要有一定的程度，如果唔係我唔建議你讀物理。你數學得，物理唔一定得；數學唔得，物理一定唔得。而呢科考文憑試都好深。主要考你推理同計算，你要好講邏輯思維。你可以參照你的成績再作決定。以我地學校為例，已經有1/3的人退修物理科。如果你沒有選M2，也可以讀，不過最多死讀公式。考試時有試卷公式。

至於出路：就以工程／天文台和一些與數學有關的科目為主　物理都有出路，不過太深，比化學生物深，你應該要考慮清楚。

M2難唔難？我讀唔讀好？讀左有咩用？對將來有甚麼幫助？入大學會讀甚麼？

M1係講微積分及統計學
M2係代數與微積分

我唔知你讀好唔好，不過呢兩樣比你用必修部份的時間多，你花的時間係一個選修科。但係大學唔當係一個選修科，只有科大當作選修科。除非你對數學好有interest，同埋你好叻，否則讀呢科唔太好。不過你如果唔怕辛苦，絕對可以讀，因為你只讀兩個選修科，但係M2深過M1。如果係三個選修科加M1 M2會好辛苦。其實你讀三個選修科好唔好？或者讀M1 M2都可以。但問題在於我認為三個選修科較好，因為M1 M2在大學認受性LOW. 而且你可以文理都要，知識較廣闊。你數學CORE勁, M1 M2都可以唔好。另外，M2有超多抽象數學和代數概念，通常用計數機較少。你睇幾行題目要寫幾版紙。對出來的工作只供你做數學的進一研究，未必在就業上用得著。

理科出路較好，因為你大學時可以選理科科目。另外，你仍可以選文科或商科的科目。因為他們並無話高中一定要讀果科。相反，你讀商科大學未必可以選到理科科目。除非你好想行商，選理科係好！選商科只係因為香港的社會重商而輕文理姐。

在此分享我的經驗：
我理在是中三，我想選Chem Bio Geog, 唔選M1 M2
我大學想選環境科學
我都幾鍾意呢幾科，不過對幾科要再努力。到了高中時便不能再度重新補救了。我知道Phy有退修潮，所以唔敢讀，如果唔係我一早選Phy Chem。另外，我可能會Geog轉Econ。老師都話科科都深，都係睇返自己的interest選擇。我地學校Chem Bio公開試成績好
Chem Bio Geog連繫性大，呢個組合好好。希望你學識選科啦！

2013-04-13 22:50:29 補充：
修正：我現在是中三

我來自Band 1尾中學

2013-04-13 22:51:32 補充：
中四Chem bio唔可以一味背誦背誦

1)
A.生物+化學:
Bio都幾多專有名詞要記 有時仲係九唔搭八又長又難串 同埋一定要記清Concept 因為個個字都幾似樣
Chem我就覺得唔係個個都適合讀 我讀band1尾既 中三個陣好多chem成續唔錯既同學上左中四好多野都唔明同讀唔黎 中五有好多人都drop左 所以如果你唔係對呢科太有興趣都唔好揀 唔只讀得辛苦 中五drop既話仲浪費左一年時間 佢都唔似bio個D起碼肯記都唔會死得咁慘既科
B.經濟+會計
Econ會有好多圖表 同埋都好多concept要記
Account就多好多數計 最好你要對maths有興趣 但係佢D數都未係太深
C.物理+化學/其他科
phy又係超多數計 好多咩牛津第x定律 好多式要記

2)
A C既話通常都係讀醫//其他理科既野 (你可以上大學D網睇下理學院有咩讀~間間U都唔同)
如果係想讀醫既我就建議你揀A 因為讀醫通常都要有Chem Bio
不過年年讀醫都多人爭 大把人讀Phy CHem Bio 三寶入去 所以如果你想增加競爭力既話可以加Phy/M1/M2
出黎通常都做反醫生 護士 藥劑師個D
Poly 既 Nursing 都唔錯 收生都冇醫咁高
B既就商學院/社會科學
當然你都可以大學讀返文科野 不過你儀家讀文科大學就冇得揀醫科/理科
其實讀商既話出黎做咩都得

3)
M2難 同埋我間學校都係睇Math成績收
我呢D Maths OK既對住本M2書都係睇極都唔明
不過好多人都話Phy既讀埋M2好
大學有D理科係會如果有講M1/M2會有加分 有D更加指定要有讀M1/M2先有得揀

4)
我認為商科出黎真係咩都做得 普通會計師個D好多都冇話大學要讀商先做得
不過理科因為讀既通常都係專業 眼科 牙醫個D都規定要讀過先做得
我之前去大學Open Day 讀醫D人都話好多時見習個時都有醫院個D請
所以唔洗驚搵唔到工