求温習好方法,20點

學語文(尤其英文科，非母語，因為我地日常生活本身唔需要用到)，第一，無可避免需要長時間浸淫係佢個環境裏面先可以學得好；第二，好多野亦都係無可避免地，係需要死記死背，譬如Vocabulary，每個字既意思，或者Grammar，點解第三身單數verb要加s，鬼有得解咩！總之背啦，用得多就熟了。

你話你其他科成績都幾好，我相信你背野記野都不是大問題；你又肯有心去學，已經係好不錯。
我都明白閱讀理解好困擾，因為一句裏面可能好多字都唔識點解，更何況成句既意思，甚至成段文章講乜？
所以，第一步，應該係make sure自己識得裏面講既每一個字詞既意思。除左課堂先生有教果ｄ要記熟之外，仲有我地最好既朋友－「字典」
而家上網好方便，有好多好既漢英、英漢字典website，譬如Yahoo啦，真係要勤力花時間查哂d字，睇得明篇文係咩意思，你先至有得做閱讀理解。
Target係要明到好似篇文原本就係用中文寫一樣。
你知道自己呢科弱，就要搵多d時間苦練，自己搵ｄ文章黎讀，重覆，咁做咁試咁學。

讀書時間邊個唔打下機？但係盡量都打「英文版」既遊戲。
譬如你話人地打得好，已經可以用good, nice, great, decent, fabuoulous, wonderful, fantastic, superb, ... 咁多個字同人地溝通(呢ｄ字有程度之分)，你可以寓遊戲於學習(當然唔係叫你沈迷打機!)