係中學既時候都有幾個人追，但係我全部都拒絕晒，因為當我中意一個人我就會全力去中意，想等佢，但係男仔Ａ一個又一個女朋友，無間斷咁，佢系一個playboy，我地一直都好曖昧，有一段好短既日子佢都承認過我係佢女友，不過後尾聽講佢當時好似同上一個女朋友仲未散，我始終都無幸福咁做過佢正式既女朋友。
而上到大學，聽人講感情可以慢慢培養，希望搵到一個人代替到佢，到識到男仔Ｂ，佢追我，因為有好感而好快一齊左，發現男仔Ｂ原來又係有女朋友，可能我心入面愛既始終係男仔Ａ，而且我絕對唔會做Ｄ破壞人感情既事，因為另一個女仔係無辜既，所以兩星期就行唔到落去，而同過Ｂ一齊係我人生覺得最後悔既事。
但係唔知點解咁黑仔做左人渣磁石，都係唔識死，見到周街情侶，成日都好羨慕人地咁幸福，可以白頭到老，我既愛情觀好簡單，只係遇到一個相愛既好男仔，拍幾年拖，結婚，男朋友唔洗多，一個一生一世就夠，點解都咁難:(，見到身邊既朋友都搵到佢地既男朋友，而我永遠都原地踏步，宜家讀既學校又完全識唔到男仔，教會又無，又唔知搵咩part-time或者咩途徑先可以識到？
我知自己唔算好靚女，但係周邊ｄ人都覺得我係靚既，當然我自知唔係屬於好靚既級數，不過點解追我既都係ｄ有女既人，我個人又唔隨便，可能性格比較巴渣，講野又串，所以無好人追啦。咁我應該點變先會有人中意？
屋企人自細就好錫我，雖然唔係好叻，都算大學生，同埋個人又唔知點解關於讀書既都無動力去做，ｄ功課過左ｄｅａｄｌｉｎｅ都唔交，唔知道做功課既意義在於邊度，有測驗又唔溫，真係好驚咁落去畢唔到業，我知人生唔應該得愛情，可能咁多方面，我就係係呢方面最失敗，所以先想追求，不過咁樣真係好頹，覺得自己好無用，一日淨係諗埋ｄ不設實際既幻想，正經野又唔做:(
可能因為無左對生活既熱情，搞到個人好懶，又成日失眠，好辛苦，有咩辦法可以諗少ｄ野，去做好自己ｄ功課
更新1:
好多謝你地四位呀，你地講得都好有道理，亦講到我而家既感受，我都好清楚人生唔係淨係得愛情，我都有好多自己想做既事，其實我講得唔好，唔係無人追我，好男仔都的確有過兩個，但始終我覺得我唔中意佢，就唔好害人，唔好亂試。認真講而家既我真係未夠好，而且諗野比較負面，到底點先可以做人積極Ｄ呢，而寸果方面，我真係唔識改:(，其實我成日講完Ｄ野都好怕令人唔開心，自己返到屋企又會繼續諗會唔會ＨＵＲＴ到人，真係有Ｄ攰。而巴渣我都唔知點解會咁，同Ｄ完全唔識既人就會好溫柔，但係一識左就好怕ＤＥＡＤ ＡＩＲ，講好多野，而變得好巴渣咁，唉，到底可以點改
更新2:
狗公我就無興趣識啦，真係有煩惱先想問下大家意見．真係唔該晒咁多位呀，特別kenny講得好岩，我屋企人對我咁好，我既目標咪係為佢地搵份好工，但係我讀文科，又唔知咩工先岩我，哈哈我好煩咁．而我身邊其實有好多好好既知己，可能佢地陸續搵到自己既幸福，令我好羨慕令我驚以後要自己一個而咁煩，但佢地咁幸福我又點可以同佢地講呢ｄ心事．不過我既然我都肯定自己既愛情觀，我亦有好多野想做，讀下ｃｏｕｒｓｅ，做下兼職，所以愛情都係放低先，到四年後畢左業搵到工都未搵到自己既幸福，先再煩，ｅｎｊｏｙ ｍｙ ｌｉｆｅ
