過海關被捉藏有K仔

你無講8點多克係粉末重量定純度, 但其實差不多, 我就當係粉末重量. 根據經驗, k仔純度大約80%, 所以你老婆果d粉末大約含6點幾克氯銨酮. 上訴庭喺許守城一案中, 對販運k仔訂下嘅量刑指引係: l 1g以下可當藏毒, 判刑由法官決定l 1-10g判監2-4年呢個判刑指引係所有法庭都要跟隨嘅, 法官無得自行改判. 換句話講, 如果你老婆被控販運, 佢就坐硬監. 上訴庭指引係1g以下可當藏毒, 佢有成6g, 在HKSAR v CHAN WAI KEUNG DANNY一案中, 專家証人指出一般人索k份量大約係每次0.2g, 一次過索1.8g(純度) k就會od. 咁即係6g可以分30次食. 你話算唔算多呢? 佢話自用, 警察 / 個官會唔會信?你老婆係持雙程證嘅大陸人, 在香港無“根”,所以通常唔會批保釋.如果控方堅持控販運, 你老婆會被判監大約2年半.如果佢認罪,就可減1/3, 即係判20個月.扣埋在獄中行為良好折扣,實坐大約14個月多d.由於有判刑指引, 所以無可能打得到唔使坐.

上訴庭已於2008年向各級法院作出K仔判刑指引：
販運或藏有可供販運1克以下K仔刑罰由法官決定，1-10克判監2 - 4年、 10 - 50克判監4 - 6年、 50-300克6 至 9年、300-600克 9 至 12年、600-1000克 12 至 14年、1000克以上 14年以上。